EN 
حل الفنان محمد أسامة أوس أوس، والفنان محمد أنور، نجوم مسرح مصر ضيوف في برنامج حبر سري مع الإعلامية اسما إبراهيم.
ونرصد في التقرير التالي أبرز التصريحات:
أوس أوس: الفن مش أمان وفتحت مطعم مع مصطفى خاطر وخسرنا
أكد الفنان محمد أسامة "أوس أوس"، أن الفن ليس أمان بالنسبة له ولكثيرين غيره من الوسط الفني، قائلا: "كل الناس عارفه أن الفن مش أمان ويقوم فوق وبكره تحت وبتعيش مواقف كتير ولو كفنان لم تؤمن نفسك متضمنش الظروف بكره فيها ايه".
وأشار أوس اوس، إلى أنه خاض تجربة مشروع وهو صديقه الفنان مصطفى خاطر وفتحوا مطعم ولكن المشروع لم ينجح، مضيفا: "أنا وخاطر من 3 سنين فتحنا مطعم وخسرنا وقفلنا تاني وحصل مشاكل كتير".
وأوضح الفنان أوس اوس، انهم يروا أن موضوع مشروع المطعم غير متخصص فيه لذلك انهوا المشروع، متابعا: "المشروع مش بتاعتنا ولا قصتنا وكان هيخسر اكتر لو استمريت فيه فقررنا وقفلناه".
أوس أوس: مراتي نموذج للقوة والصبر بالنسبة لي بعد وفاة ابني
أكد الفنان محمد أوس "أوس أوس"، عدم قدرته على تقييم تجربة دخول بعض البلوجر عالم الفن والتمثيل، قائلا: "دخول البلوجر للمجال هو القصة كلها يبقى عندك قبول وموهبة وممكن يبقى حد ناجح على السوشيال وميعرفش يتكلم أو يمثل أمام الكاميرا".
وأوضح أوس أوس، أن بعض الفنانين يستطيعوا التأثير بكلمة واحدة أمام الكاميرا، مؤكدا أن الفن مرتبط بالموهبة والحضور عند الناس والجمهور الذين يتلقوا أعمالنا الفنية.
وعبر محمد أنور، عن استمرار تأثره بوفاة ابنه، قائلا: "الحاجات دي مش بتنتهي والفكرة كلها عديت بسبب الرضا من الله ومراتي روايدا مراتي كان عندها كمية صبر كبيرة لأن برضو كانوا أخوها متوفي وحسيت الوجع ده قبل كده وكانت بالنسبة لي مثال للقوة والصبر والموضوع بقى اهدى شوية بسبب رحمة ربنا".
تصريحاتي لم تعرض.. محمد أنور يفجر مفاجأة عن مقلب رامز جلال
أكد الفنان محمد أنور، ندمه على ظهوره في برنامج مقلب النجم رامز جلال خلال أحد مواسم رمضان، موضحا أن تصريحاته خلال البرنامج مع النجم العالمي فاندام تم اجتزاء بعضها ولم تعرض جميع تصريحاته في البرنامج.
وأضاف محمد أنور، أن حلقته في برنامج رامز جلال حققت نجاح كبير، قائلا: "ظهوري في مقلب رامز جلال هو مقالبه قائمة على كده، وفي حاجات كانت بتتقص من البرنامج".
وتابع: "ممكن أقول ندمت إني ظهرت في برنامج مقلب رامز جلال رغم أن حلقتي معاه نجحت نجاحا كبيرا باعترافات القائمين على البرنامج أنها من اكثر الحلقات اللي عليها تفاعل كبير"، مؤكدا أنه كان بالفعل منبهر من فندام ولكن لم يكن يعرف تفاصيل عن المقلب.
محمد أنور: أرفض أدوار التلامس والأحضان وأدعم تصريحات يوسف الشريف
أكد الفنان محمد أنور، عدم ندمه على دعمه تصريحات النجم يوسف الشريف المتعلقة برفضه التلامس والمشاهد المثيرة، قائلا: "دعمي ليوسف الشريف بعد تصريحه عن التلامس مش ندمان على تصريحي وسواء مقتنع بكلامه أو مش مقتنع هو رأيه وحر في رأيه".
وأوضح أن يوسف الشريف ناجح جدا في اختيار أعماله، وعلق على موقفه من الأدوار الجريئة، قائلا: "لو جالي دور اللي في تلامس وأحضان أرفض الأدوار المثيرة".
وتابع: "الواحد مننا بيخاف لما أولاده يكبروا يشوفوا حاجة عن باباهم تضايقهم ومش هعمل أدوار فيها إثارة أو تلامس ومش بحب الحاجات دي".
محمد أنور : موافق بناتي يدخلوا التمثيل وكل واحد يختار اللي يحبه
أكد الفنان محمد أنور، عدم تصريحه في أي وقت برفضه دخول بناته الوسط الفني، وسخر قائلا: "أنا مقلتش أرفض قبول بناتي دخول الفن وهما لسه بيرضعوا ومتكلمتش في ده خالص، ووجهة نظري مينفعش تفرض على أي حد أي حاجة وهما اللي يختاروا اللي حبينه".
وأضاف محمد أنور، أن بناته لو طلبوا منه دخول التمثيل سيوافق، متابعا: "لو بناتي طلبوا التمثيل هوافق لأني لو رفضت برضو هتعمل ده، وأهلي كانوا رافضين تمثيلي عشان شغلة مش مضمونة".
وتابع: "أنا أصريت على التمثيل ودخلت مسرح الجامعة وأسرتي منعوا عني المصروف عشان كانوا بيقولوا ده مصروف الجامعة للتعليم وبيعتبروا انضمامي لفريق المسرح أني رايح العب".
