EN 
قالت بسنت رضا، ابنة الفنانة الراحلة هند رستم، إن والدتها لم تكن تحب لقب ملكة الإغراء أبدا، معقبة: "أتضايقت أوي من اللقب دا واللي أداها هو الأستاذ مفيد فوزي وزعلت جدا، لأنه كدا حددها فى دور، وهي أه ست جميلة، والمخرج هو اللي بيطلب منها تلبس أيه، ولكن خارج التمثيل هي مش كدا خالص".
وأضافت "رضا" خلال حوارها ببرنامج "معكم" المذاع عبر فضائية "سي بي سي"، تقديم الإعلامية مني الشاذلي: "والدتي قامت بأدوار لم يكن بها أى إغراء، ومفيد فوزي أعطي لقب سيدة الشاشة العربية لفاتن حمامة، ولهند رستم ملكة الإغراء، وعلشان كدا أتضايقت أنه حصرها فى لقب، وادى لحد تاني سيدة الشاشة العربية".
وتابعت: "كان هناك الكثير من الفنانين اللي كانوا غير راضيين عن موضوع الألقاب، اللي شجع والدتي على الإعتزال هو أني جيبت ابني وخلفت وكانت مبسوطة بالأسرة، لأنها اشتغلت وهي فى سن ال15 وكانت تريد أن تعوض سنواتها اللي فاتت مع أسرتها، وحبت البيت جدا".
