EN 
قالت الكاتبة والأديبة فاطمة المعدول، إنها حزينة لعدم توفيقها في الحصول على إحدى جوائز الدولة التي أعلنت عنها وزيرة الثقافة.
وأضافت: “بعيط بقالي يومين، مش زعلانة واللي نجحوا يستاهلوها، وتنبأت للصحفي الكبير سيد محمود بهوية الفائزين”.
وأضافت في حوارها مع الإعلامية قصواء الخلالي، مقدمة برنامج "في المساء مع قصواء"، على قناة CBC: "احنا بنقع عشان نطلع، ولما عرفت النتيجة كنت بشتغل في رواية كنت رمياها بقالي سنة، هو إحنا النادي الأهلي اللي مش عاوز يخسر خالص؟! مينفعش، الحياة مكسب وخسارة، لازم نعرف ولادنا إننا هنقع ونقف".
وتابعت، أنها صافحت رؤوساء مصر السابقين جمال عبدالناصر ومحمد أنور السادات ومحمد حسني مبارك، مردفةً: "مينفعش ندخل في منافسة مع المشاهير مثل الفنانين، هم سابقينا، ودخلوا قلوب الناس عشان عايشين معاهم في أدوارهم، حرام مينفعش".
وأردفت: "أنا مخرجة مش تركيبة أديب، انا بكتب للأطفال بس مخرجة أطفال مش كاتبة أطفال، وناشطة في مجال الطفل، وبقول لابنتي لو طلبوني أشتغل في قصر الطفل وهو فاضي ومخدش ولا مليم ومعايا 7 موظفين هشتغل من أول وجديد تاني وانزل كل يوم".
ولفتت، إلى أنها تتابع مواهب الأطفال عبر منصات السوشيال ميديا وتتحدث إلى الأطفال الموهوبين على مدار ساعات طويلة: “بتكلم مع أطفال مش بعرفهم ساعات، لأنهم الذخيرة اللي جاية، محدش بيفضل لوحده ومحدش هيخلد، البلد تحتاج ناس أحسن مننا وتستحق إن الأجيال الجاية تبقى كويسة”.
