أكدت مروة عيد المحترفة في صفوف فريق نيس الفرنسي لكرة اليد، على سعادتها في المشاركة في تقديم محمد عبدالمنعم المنتقل حديثًا لنادي نيس الفرنسي، للإعلام الفرنسي.

وقالت مروة عيد خلال مداخلتها الهاتفية مع الإعلامي خالد الغندور خلال برنامجه ستاد المحور:" الحمدلله تشرفت بوجودي مع محمد عبدالمنعم اليوم، إحنا ولاد النادي الأهلي".

وتابعت:" لما نيس عرض عليا الموضوع ومحمد في مصر اصلا وافقت على طول والموضوع اتأجل بسبب بطئ حسم الصفقة".

وأضافت لاعبة الأهلي السابقة:" الحمدلله قدرت اساعد منعم واحسسه انه مطمن في فرنسا واليوم كان جميل ورئيس النادي اتكلم معايا ودخلت جولة داخل مقر التدريبات وغرفة الملابس اليوم".

وأكملت مروة عيد:" تجربة اليوم مهمة جدًا، أنا عارفه كويس أن الموضوع صعب، انك تكون في بلد مش بيتكلم لغتها الأمور بتكون صعبة".

واستطردت :"منعم سنه صغير لكنه يمتلك خبرات كبيرة مع الأهلي والمنتخب ولعب في بطولات كبيرة تديله الخبرات الي يحتاجها في فرنسا".

وعن نصيحتها لمحمد عبدالمنعم قالت :" كنت بتكلم معاه النهارده ونصحته بأكتر من حاجة أهمها انه يتعلم اللغة كويس جدًا لتسهيل تواصله مع الجماهير والاعلام ".

وأختتم مروة عيد :" مكنش في مخيلتي ان انا هقعد الوقت ده كله في فرنسا، احترفت من ٢٠١٠ لحد دلوقتي داخله في ١٥ سنة ومبسوطة باللي قدمته واللي بقدمه".