EN 
رصد الدفاع المدني السوري، اليوم الأحد، بعضًا من حكايات النساء اللاتي يساعدن في إنقاذ العالقين تحت الأنقاض، واللاتي تروين قصصهن بعد أنرأين الكثير بين الأحجار.
وجاءت إحدي القصص التي روتها إحدي المنقذات: "الكل كان عم يسأل عن وضع أقربائه أول الزلزال، وصلني خبر تهدم البناية يلي ساكنين عدد كبير من أقربائي في مدينة سلقين، توجهت بسرعة وبالطريق كان في دمار بكل مكان وقفت ونزلت بسرعة مابعرف وين لأنه ضاعت تفاصيل المكان بسبب الدمار".
وأضافت :"شفت زملائي بالدفاع المدني السوري عم يشتغلوا ونزلت أساعدهم، يمكن مشاهد الدمار والموت نسّتني الوجهة يلي طالعة عليها، وطالعنا من أحد الأبنية 4 وفيات وطفلة على قيد الحياة ضميتها وطلعنا فيها بسيارة الإسعاف مباشرة نقدملها الإسعافات الأولية وننقلها للمشفى".
وعبّرت المنقذة عن حزنها قائلة: "وبعد كم ساعة وصلني خبر أنه ابن عمي توفى هو وحاضن أطفاله التنين، حسيت بالأسى كتير لكن بنفس الوقت كان في ناس قدرنا نساعدها لتطلع من تحت الركام وتنتفس من جديد".
المتطوعة "آمنة" قامت بالاستجابة و بإنقاذ 6 أشخاص من تحت الأنقاض.
