أبرز تصريحات محمد رمضان.. ندم على أزمة الطيار وكشف سر ملابسه في الكليبات

بدأ الفنان محمد رمضان حلقته مع الإعلامية منى الشاذلي في برنامج معكم منى الشاذلي المذاع على قناة cbc بالغناء والرقص على أغنية ثابت مش عايز حركة.

حل محمد رمضان، ضيفا علي الإعلامية مني الشاذلي ببرنامج "معكم" المذاع عبر قناة “ سي بي سي”.

محمد رمضان يبدأ حلقته مع منى الشاذلي بـ أغنية ثابت وهو يغني «ثابت» ويرقص، وتفاعل معه الجمهور بشكل كبير.

محمد رمضان عن عام 2022: «اللي فات بلطي واللي جاي جمبري»
ودخل استوديو البرنامج مباشرة، وهو يغني ويرقص مع الجمهور على: «ثابت مش عايز حركة» وسط تفاعل كبير من الجمهور.

https://youtu.be/XCeAP0IL0Zw
محمد رمضان: «الناس في الشارع كانوا بيشخطوا فيَّا لما قولتلهم إني عاوز أمثل»
وروي رمضان بداياته الفنية، قائلا: "في الأول كنت أقول للناس في الشارع عاوز أمثل؛ يشخطوا فيا، وكنت ببحث عن فرصة بفارغ الصبر".

منى الشاذلي تدخل في وصلة ضحك بسبب محمد رمضان واحتفاله برأس السنة|فيديو
وروى "رمضان" بداياته الفنية، كواليس احتفاله برأس السنة قبل الشهرة، قائلا: "زمان كنت بتفرج علي اللي بحتفلوا دلوقتي بحتفل برأس السنة".

ودخلت الإعلامية مني الشاذلي في وصله ضحك:" كنت بتتفرج وتقول مين دول، ليرد رمضان: "الحمد لله كنت راضي زمان ودلوقتي راضي".

وأثناء بدء البرنامج قام بتقبيل يد الإعلامية منى الشاذلي، والغناء والتفاعل مع الجمهور.
 

منى الشاذلي لـ محمد رمضان: إيه اللبس الغريب اللي بتلبسه في الحفلات ده؟|فيديو
وتحدّث محمد رمضان عن ملابسه الغريبة التي يظهر بها في بعض الحفلات والمؤتمرات، ردًا على سؤال الإعلامية مني الشاذلي.

وأضاف: "اللبس ده مش في الحقيقة، ده على الاستيدج والحفلات بتتطلب ده عشان يبقى في بهرجة وشو وأنا في الحقيقة بلبس بسيط.

وأكمل:"لبسي شبه كل الشباب، ومعايا تيم واشتغلت مع استايلستس كتير، وفي مثل بيقول كل ما يعجبك والبس ما يعجب الناس، ولما بروح بلد بلبس لبسهم عشان أكون شبههم".

محمد رمضان لـ منى الشاذلي: تخيلت لقاءك وأنا قاعد على الرصيف قبل الشهرة
وعن لقائه مع مني الشاذلي، قال محمد رمضان، إنه كان يحلم بهذا اللقاء منذ سنوات طويلة، مضيفا: من وأنا صغير كنت شايف حلمي ومصدقه وعلى يقين إن كل المعاناة دي هقعد أحكيها قدام أهم إعلامية في مصر"..

وأكمل محمد رمضان: "القعدة اللي أنا قاعدها دلوقتي تخيلتها وأنا قاعد علي رصيف ومستني منتج عشان الأمن رفض إني اطلع له".

محمد رمضان يقلد أحمد زكي وعمر الشريف ويقبل يد منى الشاذلي
قدم الفنان محمد رمضان عدة أغان من أفلام زمان، خلال حلقته مع مني الشاذلي والتي بدأها بأغنية كابوريا للراحل احمد زكى، كما قدم أغنية الأراجوز للراحل عمر الشريف، وقدم أغنية فيلم البيه البواب وسط هتاف كبير من الجمهور داخل الاستديو.

وقال محمد رمضان إنه يحب تقليد عدد من الفنانين، منهم عادل إمام وكمال الشناوي الذي يمتلك بصمة خاصة، كما قلد الراحل الفنان محمود المليجي.

محمد رمضان يعلن ندمه: أخطأت بحق الطيار أشرف أبو اليسر والأعمار بيد الله
 

وتحدث محمد رمضان، عن أزمته مع الطيار الراحل أشرف أبو اليسر، معترفا بأنه لم يحسن التعامل مع الأزمة، وأخطأ في أشياء عديدة وقتها، لكنه راض بحكم القضاء.

وقال محمد رمضان: "أشعر بالحزن لكوني تسببت في شيء سيء للطيار الراحل.. أنا كمان زعلان إني تسببت في شيء قاسي على الطيار الله يرحمه.. أنا بعترف إن أوقات لا نحسن إدارة الأزمة بشكل سليم".

وتابع: "اتفاجئت زيي زي الجمهور بهذا القرار القاسي بإيقاف موظف مدى الحياة عشان ممثل اتصور معاه في الكابينة.. فيما بعد عرفت أنه قانونيا ممنوع، وحاولت قدر الإمكان حل الأمر قبل أن يصبح قضية رأي عام ولكن لم أتمكن من ذلك".

وأكمل: "اللي زعلني إن الموضوع تم تقديمه من خلال الإعلام إن أنا سبب في شيء صعب زي ده، والأعمار بيد الله والمحكمة أنصفت الطيار وكسب القضية وأنا بكل رضا وتسامح دفعت المبلغ".

واختتم: "قصة مات كمدا ده لو كان حصل علي حكم آخر من المحكمة أنصفت الرجل وأنا حاولت بكل الطرق حل الأمر من بدايته".