EN 
لقنت الإعلامية مفيدة شيحة، التجار المستغلين للازمة الاقتصادية، ويرفعون الأسعار دون مبرر، درسا قاسيًا، قائلة :"الدنيا غالية بس ليه كل واحد فينا حاطط إيده في جيب التاني؟".
ووجهت مفيدة شيحة، مقدمة برنامج الستات، المذاع عبر قناة النهار وان، مساء اليوم الاثنين، رسالة للتجار المستغلين، قائلة :"ليه في مصر نستغل الأزمة الاقتصادية العالمية ونجعل الأزمة طريق سريع للغناء، وندوس على كل الناس اللي حولينا دون النظر لأي اعتبار".
وتابعت مفيدة شيحة، أن :"استغرب من الناس اللي تبيع الأرز بازيد من سعره الحقيقي، وتستغل ارتفاع الأسعار، وكله بطريق كلها استغلال، وكل يوم السعر يرتفع ويقول الدولار غلي، ومش عارفة ازاي، وليه كده".
كله بيستغل فكرة ان الدولار ارتفع
وأكملت مفيدة شيحة، أن :" كله بيستغل فكرة ان الدولار ارتفع ، ويرفع السعر كل يوم دون أي مبرر، والأزمة الاقتصادية عالمية ولازم نرحم بعض.. يا جماعة في إيه، والدنيا غالية وبتغلي وهذا الامر غصب عنا، والعالم كله يشهد جنون في الأسعار".
ووجهت سؤال للتجار الجشعين، قائلة :"يعني ايه طبق كشري بـ45 جنيه؟ بجد الموضوع بقى اوفر".
