EN
على مدار الساعات القليلة الماضية، كان كتب كتاب البلوجر نادية الخولي على «حب عمرها» كما وصفته في وقت سابق «رضا محمود» حديث الكثيرين خاصة من الفتيات نظرا لانبهارهن بتفاصيل الحفل الذي أقيم على شاطئ البحر نهارا مع تركيزهن على فساتين البلوجرز الحريصات على متابعتهن بالحفل.
فستان نادية الخولي
نشرت فتاة تدعي “دنيا عبد العزيز” سعر الفستان الأبيض الذي ارتدته البلوجر “نادية الخولي” في كتب كتابها من صفحة مصممته “أميرة قزاميل” وهو ما أثار صدمة بين الفتيات بين من تراه يستحق السعر بالفعل وكثيرات يرونه مغالى في سعره.
وقالت الفتاة عبر صفحتها على «فيسبوك»:«سعر فستان البلوجر نادية الخولي 17 ألف جنيه فقط!».
كتب كتاب نادية الخولي
لا تزال أخبار البلوجرز تستهوي مستخدمي مواقع التواصل الاجتماعي، لذا أحدث خبر فسخ خطبة البلوجر نادية الخولي أغسطس الماضي 2022م جدلا واسعا بسبب كثرة الصور التي كانت منتشرة لهما مع كلمات الغزل.
وتصدرت البلوجر نادية الخولي التريند على مواقع التواصل الاجتماعي في أغسطس الماضي بعد عودتها لخطيبها “رضا محمود” زوجها حاليا، وهو الخبر الذي أسعد العديد من متابعيها قائلين «أحلى وأجمل خبر في العالم».
وعبرت البلوجر نادية الخولي التي يتابعها أكثر من 3 مليون شخص عبر تطبيق «انستجرام» عن عودتها لـ “حب عمرها رضا محمود” حسبما وصفت، بعد أزمة فسخ خطبتها في الفترة الماضية قائلة: «أنا كنت واثقة وعارفة إن عمرنا ما هنتفرق تاني أبداً».
تعليقات متابعي السوشيال ميديا
وبينما فرحت الكثيرات لحفل كتاب البلوجر نادية الخولي وسط صديقاتها وزميلاتها من البلوجرز وتهافتوا عليهم بالتبريكات والتهاني الشديدة، كانت من أبرز التعليقات التي لاقت تفاعلا كبيرا خلال الساعات القليلة الماضية، قول فتاة تدعي هبة نبيل تهاجم مغالاة البلوجرز في مناسباتهم من أجل حصد المشاهدات، قائلة: «ظاهرة البلوجرز دى بجد من ضمن مفاسد العصر، مش الطبيعى والشائع يا جماعة كتب كتاب على البحر و الديكور معمول على مزاجنا و الخشب جاى من بلد و الفستان من بلد و المعازيم يسافرولنا و الفرح يبقى بكذا فستان و يبقى فى قاعة ب ١٠٠ ألف، مش الطبيعى خالص الولادة يبقى ليها بيچامة مخصوص و يتعمل سبوع بحفلة كبيرة و حفلة لنوع الجنين و نتكلف ١٠٠ الف تانى، مش الطبيعى تصحى من النوم تصورى دخولك الحمام و روتين بشرتك و تصورى مشروبك و الڤيو بتاعك و تنزليه!، مش الطبيعى يعملنا الشقة مهندس و العفش عمولة عند اشطر حد فى مصر علشان محدش ياكل عنينا، ومش الطبيعى شهر العسل فى المالديڤ و الاحتفال بالذكرى برضو فى المالديڤ ، و نعمل سيشن تانى و تالت!، ومش الطبيعى كل ما جوزى يزعلنى يدخل عليا ببوكية ورد طولى علشان أرضى و يمشى يحتفل بيا و يتنطط زى الأراجووز علشان يعجب و إلا مش هيبقى رومانسى و يع!، ومش الطبيعى الهدايا بين الأهل و الصحاب تبقى أيفون و تورتاية براند و زينة و حجز مكان و إلا مش هنبقى ادد المقام».
وتابعت الفتاة التي حصد منشورها آلاف الإعجابات: «الطبيعى احتفال وسط اهل و صحاب بيحبونا، احتفال على اد إمكانياتنا و حياتنا أحنا مش حياتهم هما ،، الطبيعى ان يبقى فى رضا باللى حوالينا على مقدار حبنا لبعض مش على مقدار مين أشترى أكتر ،، الطبيعى فستان احضر بيه كذا مناسبة و أتصور عادى علشان دة بتاعى محدش جابهولى و الفرحة باللمه مش بالفستان ، الطبيعى عيد جوازى فى بيتى بتورتايه مع حبيبى مش لازم أسافر و أحجز مكان ❤، الطبيعى بيكمن فى الرضا اللى ورا الشاشة ، مش الاستعراض و مين هيصرف أكتر ، ياجماعة لا دى حياتنا ولا طموحنا ولا إمكانيات الشباب حاليا، رفقا بأهلكم فى الطموح و الحياة و حقيقى اللى معاه مبيبخلش، بس بلاش تصعبوها على بعض و بلاش تكسروا قلوب بعض علشان صور كدابة».
