EN
تصدرت الفنانةانتصار،تريند محرك البحث جوجل، واحتل اسمها عناوين عدد كبير من مواقع التواصل الاجتماعي خلال الساعات الماضية، عقب ظهورها في عدد من اللقاءات التليفزيونية، وإطلاقها عدة تصريحات نارية بعفويتها المعروفة.
وحلت انتصار أمس، ضيفة على برنامج «كلمة أخيرة» الذي تقدمه الإعلامية لميس الحديدى، على فضائية «ON».
انتصار: خلافات عادية وراء طلاقي
كشفتانتصارعن أسباب طلاقها، مؤكدة أنها تعود لخلافات عادية، قائلة: «الوفاق من عند ربنا، محدش ضامن نفسه، وده زي السر بين الاثنين، فجأة بعد الهدوء ممكن ينتهي، والزواج والطلاق مكتوبين بمواعيد».
وتحدثت انتصار عن الصفات التي ترفضها في الرجل، قائلة: «البخل أولًا ثم الكذب والخيانة، والبخل في المرتبة الأولى، لأنه ليس بخلا ماديا فقط، بل أيضًا بخل في المشاعر، لما اتجوز راجل بخيل هديله مشاعري إزاي؟ وأنا مستخسرة فيه كل حاجة».
لم أعتزل الجواز.. معنديش وقت بس
وعن امتناعها عن الزواج قالت: لم أعتزل الزواج، أو الرجالة، لكن مفيش وقت، أما أكون ست عاملة وأم في البيت، أو زوجة، خاصة إنى بشتغل في مجال صعب وفيه تنافس، المجال ده بيشفط الوقت والعمر لأنى مش مجرد موظفة بس بروح الصبح أمضى وأرجع».
وتابعتانتصار: «24 ساعة شغالة، حتى وأنا في البيت على طول في وضع تنافسى طول الوقت، حتى في البيت بنتابع لصقل المهارات».
الراجل بيشفط كل الوقت
وأوضحت انتصار أن الزواج يحتاج للوقت، وقالت: الرجل بيشفط كل الوقت، ومش حكاية تجربة شخصية فقط، لأن الست بتتحول بعد الزواج لأم الرجل، وعاوز في البيت يبقى الابن الكبير بعد ولاده، والست بتتفاجئ إن بقى عندها زوج زي ابنها الكبير عاوز اللي يأكله ويشربه ويسمع همومه، ولازم الست تكون طول الوقت كده».
وأضافت «أن لديها إحساس أمومة عالي مثل أي سيدة أنجبت، ولكن في ذات الوقت العمل في مجال الفن صعب، لأنه مع مرور الوقت سوف تكتشف المرأة أنه لا وقت لديها حتى أن تكون أما لنفسها».
اشتغلت بائعة في محل بـ ٧٥ جنيه
وعن عملها قبل الفن أكدت الفنانة انتصار، أن طابع شخصيتها الكوميدي ظهر في مرحلة مبكرة، أثناء عملها في أحد المحلات في العطلة الصيفية، عندما كانت طالبة في المرحلة الثانوية.
وأضافت: "أول مرتب حصلت عليه كان من عملي في محل ملابس، وتقريبا كان 75 جنيها في الأسبوع".
وردا على سؤال عن موهبة الكوميديا، قالت: "لما كنت بشتغل زمان كنت مالية المحل سعادة، والزباين بقوا أصحابي، لكن إتعلمت إن التعامل مع الناس صعب، المحل كان للملابس الحريمي، وكل يوم 100 واحدة تدخل، وكل واحدة عندها مشكلة، وفعلا الجحيم هو الآخرون".
المرأة خدت كل حقوقها ومش محتاجة حد يدافع عنها
وانتقدت انتصار خلال اللقاء؛ المبالغة في الدعوات المدافعة عن حقوق المرأة قائلة: "إحنا أخذنا كل حقوقنا وشكرا، ليه الدفاع عن المرأة طول الوقت، مش عايزين حد يدافع عنا، وإنتو كده بتخربوا الميزان".
وعن تعرض المرأة للعنف، ما يتطلب مواصلة الدعوات المدافعة عن المرأة، قالت انتصار: "دي عادات سيئة في المجتمع نتيجة التربية والبيئة المحيطة، لكن الستات أخذت حقها بالقانون والشرع، وإحنا مذكورين في القرآن وفي سورة باسمنا، واتوصى علينا 100 مرة في الأحاديث النبوية".
انا ست نكدية رغم الكوميديا
وترى انتصار في نفسها انها امرأة نكدية رغم ما تقدمه من كوميديا، قائلة: "الممثل الكوميدي نكدي اقوي ويعجبك في النكد ،وفي نفس الوقت يسخر من أحزانه ويضحك عليها".
وأضافت: "عندي حتة نكدية كده في حياتي العادية،بس مش قدام الناس، في البيت بس، لكن بمجرد خروجي من البيت هتلاقي الضحك كله".
