EN 
حل الفنان فتحى عبد الوهاب ضيفا على برنامج Abtalks مع الإعلامى أنس بوخش على موقع اليوتيوب .
وتحدث الفنان فتحى عبد الوهاب عن أبرز المحطات فى حياته الفنية والشخصية .
و سأل الإعلامى أنس بوخش الفنان فتحى عبد الوهاب عن اختيار آخر كلماته قبل ما يموت ؟.
أجاب الفنان فتحى عبد الوهاب :" تبقى جملة فى مشهد أنا بعمله يبقى ده آخر حاجة قولتها فى حياتى ."
ومن ناحية أخرى وقال خلال لقائه: «يجيلي أوقات ببقى ناقم من حاجة أو متوقع شيء ومش بيحصل، أو حاجة بتحصل مش زى ما أنت عايزها بالضبط بس بعد شوية أنت بتبتدي تقبل فكرة تقلب الحال فعلشان كدا الحمد لله دايمًا، وأنا فى الفترة دى تقدر تقول إنى مقدرش أقيم أنى كويس أو لا أو مضغوط ولا لا».
وأضاف: «السعادة كانت بتيجى بأمور بسيطة جدًا دلوقتي السعادة عزيزة وغالية، ومش بالضرورة الحاجة اللى كانت بتسعدك فى زمن فات أو فى ذكرى أن هى تفضل تسعدك لأن أنت مبقتش نفس الشخص لأنك بكل لحظة أنت بتتغير والعالم حواليك بيتغير».
وتابع :«بس بيفضل برضو حاجة أنت لما بتفتكرها النهارده وهى عدى عليها سنين بتلاقى نفسك ابتسمت وبترجع لنفس الوقت دا».
يذكر أن رد الفنان فتحي عبد الوهاب، على التعليقات المنتشرة مؤخرا حول اتهام الفن بتسببه في جرائم العنف.
وقال عبد الوهاب ، خلال لقائه بet بالعربي: رجعنا لأول جريمة قتل في التاريخ.. بردو كانت بسبب المسلسلات ولا إيه؟ دي حاجة ليها عودة، ملوش علاقة بالفن لأنه مش وسيلة تربية ولا تعليم.. الفن حر عن كده، ده كلام في قصور في الرؤية مقدرش أوافق عليه”.
وتابع: ربنا زي ما حط فينا الشر حط فينا الخير، بس بيئتك وتربيتك وأخلاقك هي اللي بتحدد أنت هتبقى في أنهي جانب”.
ومن ناحية أخرى وجه الفنان فتحى عبد الوهاب، رسالة إلى الفنان أحمد مكى و لصناع مسلسل الكبير.
ونشر فتحي عبد الوهاب، صورة جديدة له عبر صفحته الرسمية على موقع التواصل الاجتماعي للصور والفيديوهات إنستجرام، وعلق قائلا:"شكرا #احمد_مكي شكرا المخرج أحمد الجندي على البهجة والسعادة والضحك".
