EN 
حلت الفنانة ميمي جمال، ضيفة برنامج "الستات" مع سهير جودة عبر قناة "النهار" واستعادت ذكرياتها مع زوجها الفنان الراحل حسن مصطفى.
أكدت ميمي جمال، أنه كان هنالك نزوة في حياة حسن مصطفى، وقالت: "كان في مسرحية يشارك فيها بنات بيقدموا الاستعراضات، كان في بنت عندها 18 سنة وتدخل كل شوية أوضته وتوريله "المانيكير" كاتبه عليه حروف اسمه، هو راجل كبير ولاقى حاجة جديدة وغريبة، وحسن مش حسين فهمي القمر اللي بيكبر بيفضل قمر، كان راجل طبيعي.
وتابعت: كان بيوصلها بالعربية، أنا في الوقت دا كنت بشتغل في القاهرة وهو الإسكندرية، والبنت اللي كانت بتقطع تذاكر المسرح صاحبتي، شافت منظر معجبهاش وكلمتني وطلبت مني أروح إسكندرية.
وأكملت ميمي جمال: في الوقت دا كانت أمي وبناتي معاه في إسكندرية عشان المصيف، وفعلا روحت وكان هو مش في البيت وأول ما وصل سألته "وصلت الهانم؟" وهو اتصدم وحكيتله أني عارفة كل حاجة، حاول يغضب ويعلي صوته علشان اسكت.
وأوضحت ميمي جمال أنها قررت أن تنسى هذا الموقف بعدما واجهته وأنها ستعتبر أن شيئا لم يحدث خاصة أن بناتها كانوا أطفال، لكنها شعرت أنها لم تأخذ حقها.
وتطرقت في حديثها لوقوع الطلاق بينهما موضحة أنه كان موقف آخر، وحدث خلاف وأخطأ حسن مصطفى في حقها قائلة: أنا الشغل أخدني وبقيت عندي شغل كتير مسرح بالليل والصبح تصوير، أنا كنت بهتم وبدلعه كتير بس كل دا اتغير، حس بالنقص وحصلت شوية مشاكل واطلقنا وأنا اللي سعيت للرجوع وكلمت سمير خفاجة علشان يرجعنا لبعض.
