EN 
أعلن الفنان تامر حسنى ، عن مشاركة جمهوره بـ تجربته ومشواره وخبرته فى الحياة لـ إفادتهم وتحفيزهم على النجاح.
وكتب تامر حسنى عبر فيسبوك "حبايب قلبي في حب ربنا و حبكم ان شاء الله كل كام يوم هاجي على بالليل كدا نتناقش في موضوع من خلال مشواري و تجربتي في الحياة، جايز تستفيدوا منه حاجة وجايز يكون في كتير منكوا هيكون كلامي بمثابة إشارة تشجعهم كانوا مستنيينها.
وتابع “ من خلال خبرتي النجاح بيقوي و يجعل كل من حولك يهتم بك و العكس صحيح و اعني بالنجاح النجاح الانساني في علاقاتك بربنا و الناس .. النجاح المهني و تحقيق ذاتك و طموحك و تحديك لكل الصعاب و تخطيك لكل محنك زي ما عملوا كتير قبلك و ظروفهم كانت اصعب منك و وصلوا لاكبر من احلامهم ”.
وأضاف " امانه عليكم محدش يكتبلي عاش و هو دا و تقبر قلبي 😀 انا عايز افتح باب نقاش حقيقي يخليكوا تاخدوا قرارات مهمه في حياتكم او تتشجعوا و تتحمسوا لخطوات ايجابيه .
واختتم تامر " اتكلموا و قولوا اللي جواكم تفريغ احاسيسكم هنا و اي اسأله جواكم او اي مواقف او حكايات لما تتقال هنا هتبقى اول خطوه للصح عشان هتتولّد طاقه كبيره للخير شاهد عليها ربنا ف هتكون خير اوي لينا ان شاء الله ".
ويذكر أن تقدم الفنان تامر حسنى بالشكر والتقدير لشعب الأردن بشأن إستقباله فى مهرجان جرش وشعر خلال زيارته أنه بجوار أهله خاصة أنه شعر بحفاوة غير طبيعية وحالة حب كبيرة وعقب " فى حالة حب بينى وبين أهل الأردن وبشكر ربنا على الحب ده " .
وعبر حسنى "خلال مداخلة هاتفية مع الإعلامى عمرو أديب ببرنامج الحكاية والمذاع عبر فضائية mbc مصر، عن سعادته بالحفاوة والترحيب التى يحصل عليها عند زيارة الشعوب العربية فى حفلاته ولفت إلى أن حفلته بمهرجان جرش بالأردن شهدت حضور ضخم و كبير من الجمهور وقدم لهم الشكر والتقدير لمدى حبهم وامتنانهم له وتصفيقهم الشديد له بمجرد ظهوره على المسرح .
