أبرز تصريحات حنان مطاوع لدنيا صلاح عبدالله في "حتة تانية"

حلت الفنانة حنان مطاوع، ضيفة برنامج حتة تانية مع الإعلامية دنيا صلاح عبدالله.

قالت حنان مطاوع،: “بحب في يوم عيد ميلادي ابقي مع الناس اللي بحبهم أصحابي القريبين وأهلي ويا سلام لو في مفاجأة لذيذة”.

وتابعت قائلة: “صفاتي من برج الحوت حنين وعاطفي و مبدع وعاشق دائم طول الوقت مع حبيب او حتي مع أفكاره الجملة العميقة الذيذة اللي دايما حطاها قدامي  حتي علي موبايلي علشان افتكرها علي طول (لا تسيري مع الطيار بل كوني انتي الطيار)”.

"كل سنة وانتي قمر".. جيلان علاء تحتفل بعيد ميلاد حنان مطاوع

غادة عبد الرازق تحتفل بعيد ميلاد حنان مطاوع.. شاهد

كما أضافت: "الشخص اللي أتمني إني أشد الفيشه أفكر بدماغه هي أماليا بنتي أتمني اشيل الفيشه واعيش العالم بروحها طفله سنتين ونص مش خايفه من حاجه ممكن تعيط وبعدها بدقيقة تضحك  هي شايفه العالم بروح مكتشفة ومغامرة معندهاش مخاطر محبة مقبلة علي الحياة ربنا يحفظ كل اطفالنا”.

واكملت حديثها: "في يوم عيد ميلادي ابعت رسالة لوالدي الله يرحمه انا متأكدة انه في مكان أحسن ولكن طول الوقت اتمني انه يبقي معايا واملي اني اكون خير امتداد ليه 
اقول لماما صحبتي القريبة وحياتي ربنا ميحرمنيش منك وانتي دايما سند ليا
اقول لجوزي انت حب عمري وسندي و صاحبي وكل اهلي ربنا يخليك ليا".

وعن سنة فاتت وسنة جديدة بتبدأ (انا ممتنة لكل يوم في ستر من ربنا وعلي دوام النعمة و علي اي نعمة زالت وجت بدلها نعمة جديدة)

اما عن اعمالي الفتره اللي جايه خلصت 10 حلقة اسمها وش تالت وداخله الاسبوع اللي جاي اكمل 15 حلقة قصة تانية علشان يكملوا 30 حلقة لرمضان ودي تبقي اول بطولة ليا دعواتكم بالتوفيق يا رب".