EN 
قال مطرب المهرجانات حمو بيكا، إن هناك علاقة قوية تربطه بالمطرب عمر كمال، مضيفا : «بسبب الخلافات قولت له يا خسارة العيش والملح».
وتابع «حمو بيكا» خلال تصريحات لـ «ETC»: «عملت مع عمر كمال أغنية وانا اللي صرفت عليها وبعدين نزل أغنية أخرى خاصة بيه، ورفض نزول الأغنية الديو، لأنه حسبها من الناحية الخاصة بيه ليكون في الساحة لوحده».
وأضاف «حمو بيكا» : «أنا لو معايا كارنيه النقابة كنت في حته تانية، ومش عارف اغني ولا أمثل بسبب النقابة، وجالي إعلانات كتير مش عارف اعملها ورزقي بيتقطع، ولكن ربنا بيرزقنى».
وأكمل «حمو بيكا»: «عمر كمال ممكن يكون معايا على المسرح محدش يشوفه، والناس بتهتف باسم حمو بيكا وعمر كمال واقف جانبي وده يكفيني».
أفلام محمد رمضان سبب الأغاني الخارجة
قال مطرب المهرجانات حمو بيكا، إن السبب في كلمات الأغاني التي بها ألفاظ خارجة هي بعض قصص الأفلام التي كانت تعرض في الوقت السابق، لأنه كان يقدمها للجمهور من خلال أغاني المهرجانات.
وتابع «حمو بيكا» : اللي كنت بشوفه في الافلام بقوله في الأغاني، و أفلام محمد رمضان هي سبب كلمات الأغاني الخارجة القديمة بتاعتى مثل عبده موته الألماني ودلوقتي خلاص مبقاش يقول الالفاظ دي، لان الاول حاجة ودلوقتى حاجة.
وأضاف «حمو بيكا» : «ممثلين كبار بيقولوا كلام المفروض ما يتقلش، مثل باسم سمرة، وفيه ممثلين كتير بيقولوا كلام المفروض مايتقلش لان فيه الفاظ خارجة.
