EN 
شن الدكتور أشرف صبري هجوما شرسا علي ابنته ياسمين صبري علي خلفية تصريحاتها الاخيرة بأنها كانت تعيش حياة بسيطة ولا تشتري ما تريد في طفولتها .
و كتب والدها الدكتور أشرف صبري، عبر بوست على صفحته الشخصية "فيسبوك" قائلاً: "دي المدرسة اللي اتخرج منها بناتي اللي واحدة منهم بتدعي انها كانت في مدارس عربي وعاشت حياة بائسة فقيرة وانها وصلت بمجهودها! هو الكدب في حد يوصل للدرجة دي؟ انا افهم الكدب لما تبقي غلبانة وتكدبي".
واضاف صبري:" قول انا من عيلة كبيرة ومدارس اجنبية وعيشت في سراية وبابي كان وزير وهو بيشتغل عامل! يبقي كذب له مبرر! لكن ان واحدة اتولدت لها شغالة فليبينية بتلبس من باريس لاني كنت باجيب لها لبسها من هناك ودخلت مدرسة ال EGC ارقي مدارس اسكندرية في وقتها".
و استكمل : " وعاشت في فيلا بحمام سباحة وصالة جيم ولها غرفة خاصة بحمامها وكانت بليدة وطلعت تروحي ويا دوب تنجح بالعافية بخمسن في المية وكانت بتروح الكلية بالعافية واصحيها الصبح بالساعة عشان تروح الكلية".
و تابع :شهاداتها عندي كلها كحك وابوها دكتور. تطلع تدعي انها عاشت حياة بائسة وغلبانة وبتكمل باقي الشهر من غير فلوس! ايه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه؟ . حتاخدي نشان يعني علي خيبتك وفقرك وصلتي وبقيتي حاجة؟ انتي بالنسبة لابوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك. حتي اخوكي بهدلتيه اللي طول عمره جنبك وبيجي من اخر الدنيا عشانك! ياشيخة بطلي اللي انتي فيه ده وحسبي الله ونعم الوكيل فيكي. بطلي تجيبي سيرة عيلتك ابوكي اللي رباكي منك لله.
و كانت قد شاركت الفنانة ياسمين صبري ، فى دردشة عبر تويتر من خلال Space ، أطلقها الكاتب تامر عبده أمين.
وقالت ياسمين صبري ، خلال حديثها : انا بنت أسكندرانية من طبقة متوسطة ، وقد درست فى فترة من حياتى فى إحدى المدارس الحكومية ، وكنت أذهب إلى تمرين السباحة مشياً على الأقدام، وحينها كنت أتخيل أننى أملك أجمل الأشياء فى الدنيا، سواء من ملابس أو شقة فاخرة أو سيارة .
وتابعت ياسمين صبري : لم أكن حينها أملك دليل أو أشياء ملموسة لكني كنت أشعر بأننى سأمتلك كل هذا، ولكنى كنت على يقين أننى استحق ذلك، وأننى شخصية محظوظة ، فقد كان خيالى انذاك نحو المستقبل، وحين كنت أصل الى مرحلة كنت أحلم بالمرحلة التى تلايها.
وأضافت ياسمين صبري فى حديثها قائلة: "كنت بحب نفسي، بمعنى أننى لا أتواجد فى مكان ليس منه فائدة، أو اقوم بفعل يقلل من شأنى ، فكنت أصنع لنفسى شكل أحب أن يرانى الناس فيه.
