EN 
قالت منال عفيفي حماد، أستاذ التربية الموسيقية بكلية التربية الموسيقية جامعة حلوان، إنها تسعي إلى نشر ثقافة الموسيقي القديمة بأصوات شبابية من أجل جذب أكبر فئة ممكنه من الشباب، «احنا بنعاني دلوقتي من موجه المهرجانات، وعايزين نرتقي بيهم، ومش معقول أجبلهم المعاصر تاني بأصوات شابة، ولكن بجيبلهم القديم اللي مش بيسمعوه بأصوات تناسب سنهم».
وأضافت «حماد»، خلال استضافتها ببرنامج «في المساء مع قصواء»، والذي تقدمه الإعلامية قصواء الخلالي، والمذاع على فضائية «CBC»، أن الأغاني القديمة دائما ما تحتوى على الطرب والفن الجميل الراقي، «برفض أشتغل اي حاجة من الشغل الجديد، فيه شغل جديد يتسمع ولكن للأسف مفيهوش طرب، ولما بسمع الجديد ولا كأني سمعت حاجة، حتى لو أغنية حلوة مش بتعلق معايا».
وأوضحت أنها تقوم بالظهور مع فرقتها في دار الأوبرا المصرية مرة واحده كل عام، «نفسي أخد مرة تانية في السنة، وجمهوري بيصعب عليا، وعملت حفلتين في ساقية الصاوي ولكن مش بجمال دار الأوبرا، ومش قادرة أغير المكان، وبحاول أخلي حفلاتي فيها طرب بلحن سهل يدخل الأذن ويتحفظ على طول».
وحلت الضيفة وفرقتها «ألحان الشرق» في صالون المساء مع قصواء في الأمسية الطربية.
