EN 
استعاد النجم تامر حسنى ذكرياته مع واحدة من أشهر حفلاته في المغرب، من خلال حسابه على موقع تبادل الصور والفيديوهات "إنستجرام"
ونشر تامر حسني مقطع فيديو من الحفل وعلق عليها "المشهد ده ليه قصة أحب أشارككم فيها.. أول ما طلعت المسرح كنت حاسس أني بحلم أو بيتهيألي أو مش شايف صح لحد ما شوفت اللحظة دي متصورة من العبقري رومير (رامي مسعد) إللي روحت سألته بعد ما طلعت المسرح بدقيقة.. هو أنا شايف صح؟ رد قالي: أنا مصدووم زيك ومش مصدق وحاسس إني بحلم، ولما المذيع الكريم أكد إللي شايفينه، راح رامي طلع على ونش كبير كان موجود بالصدفة لشيء آخر وصور اللحظة التاريخية دي اللي عمرها ماحصلت لا معايا ولا مع غيري لمطرب واحد".
وتابع : "مطرب واحد يحضر له 400 ألف شخص والحمد لله، وده الرقم اللي تم حصره قبل الحفلة، وبعد كده زاد الرقم أضعاف أضعاف زي ما انتوا شايفين ولم يتم حصر الرقم النهائي لإستمرار ازدياد الناس لآخر الحفل.. كل الشكر لجماهير المغرب الحبيبة.. شكرًا يا رامي يا حبيبي على إخلاصك اللا محدود في عملك يا رب نكررها في المغرب وكل البلاد العربية إن شاء الله".
وطرح النجم تامر حسني فيديو كليب أغنيته الجديدة "يا فرحة"، الأسبوع الماضى، من كلماته وألحانه، وتوزيع على فتح الله، والفيديو كليب من إخراجه، وطرح الأغنية عبر قناته الرسمية بموقع "يوتيوب".
