EN 
احتفل محمد هاني، لاعب النادي الأهلي، بتتويج الفريق بدرع الدوري الممتاز.
وكتب عبر تويتر: "الحمد لله بعد موسم صعب و طويل ربنا كرمنا كرم كبير اوى و حصدنا كل البطولات اللي شاركنا فيها و حققنا انجاز تاريخى و كبيير .. حابب اشكر الجهاز الفنى الساعدنا فى تحقيق الانجاز ده .. حابب اشكر زمايلى الرجالة اوى و اخواتى اللي انا فخور انى فى وسط جيل محترم و طموح زى ده مش بيكتفى ببطولة فقط بل طموح انه يكسب كل ماتش و كل بطولة .. حابب اشكر عائلتى و صحابى الدائماً كانو مأمنين بيا و بقدراتى و دائماً كانو السند الحقيقى .. و اخيراً حابب اشكر جماهير الاهلى الكبيرة الكانت دائماً ورانا و معانا فى اى ماتش فى بلدك او فى اى مكان فى العالم كانو معانا .. اتمنى اكون ساهمت ولو بجزء بسيط فى فرحة اى مشجع اهلاوى و اتمنى ان اكون دائماً عند حسن الظن للجميع .. شكراً”.
وتعادل الأهلي مع نظيره حرس الحدود 1-1، في المباراة التى أقيمت على ستاد القاهرة الدولي فى الجولة الـ33.
وأحرز محمود كهربا هدف التقدم من متابعة جيدة داخل منطقة الجزاء في الدقيقة 72.
وأدرك حرس الحدود التعادل في الدقيقة 80 عن طريق خالد عبد الفتاح، لاعب الأهلي، بالخطأ في مرماه.
