EN 
قالت الفنانة روجينا إن زوجها الدكتور أشرف زكي محدش ظلمه وهو الظالم نفسه في التمثيل لأنه ظلم الممثل من أجل نقيب الممثلين ولما بيكون في التصوير بيكون مش مركز وكل همه مين عنده مشكلة والتمثيل حياة ولازم الواحد يفصل عن كل من حوله.
وتابعت روجينا خلال لقائها في برنامج "أنا والقناع"، تقديم الإعلامية "منى عبد الوهاب"، المذاع عبر فضائية "الحياة"، قائلة: "أنا طول عمري أقوله لو انت بس ركزت شوية لأنك تايب مش موجود وسن حلو وعنده حالة من النضج جميلة لكن هو محدش ظلمه وهو الظلم نفسه".
التمثيل ده قبول من عند ربنا
ونوهت روجينا ان أشرف زكي هو من علمها مهنة التمثيل وعندما يكون لديها مشهد صعب بتستعين بزوجها الدكتور أشرف زكي لمساعدتها، متابعة أن مفيش ممثل شاطر وممثل مش شاطر والموضوع كله قبول من عند ربنا قائلة: "لو انتي ممثلة ممتازة ومعندكيش قبول مش هحبك ولو مش عارفة تقولي كلمتين بس عندك قبول هحبك وأموت فيكي".
