EN 
قال الإعلامي عمرو أديب، إن معجزة عبور العاشر من رمضان، بطلها الجندي المصري اللي ربنا كان مديه القدرة والقوة والإيمان وهما بيعبروا وبيقولوا الله أكبر، قالولهم عمره ما ينفع وقناة السويس كلها هتتردم نبالم والناس كانت بتعبر من غير ما يفكروا في حاجه، وقالوا الله أكبر وعبروا ورفعوا الأعلام بعد العبور".
وأوضح أديب خلال برنامج الحكاية والمذاع عبر قناة إم بي سي مصر: "انتصار العاشر من رمضان، يعتبر معجزة بكل المقاييس، مضيفًا: “حد حكالي وقالي عيدنا العبور أكثر من مرة بلا قصف أو ضرب أو مدفعية، ومعرفناش نعمله زي أول مرة”.
وأشار إلى أنه لا يوجد يوم في التاريخ المصري موازٍ ليوم 6 أكتوبر ولو مكنش حصل كان زماننا في حته تانية خالص.
وأكمل أنه لابد أن نتوقف أمام كرم ربنا لأبطالنا وأمام أبطال القوات المسلحة والجيش المصري والسلاح الروسي والعبقرية والإرادة المصرية، وأمام قادة الجيش والرئيس السادات الذي اتخذ قرار الحرب بشجاعة كبيرة.
