EN 
شن الإعلامي أحمد موسى، هجوما حادا على الحركة المدنية بسبب إصدار بيان وشروط بشأن الحوار الوطني، قائلا: «إنتوا واخدين أكبر من حجمكم.. بتمثلوا كام واحد في البلد.. أنتوا مين».
وأوضح موسى خلال برنامج «على مسئوليتي» المذاع على قناة صدى البلد، اليوم الأربعاء: «في أحزاب مش موجودة إلا على الورق.. أنا عارف كل واحد فيكم.. بس حكاية الشروط والطلبات والأوامر مش عجباني».
وأضاف موسى : «المواطن كره حركة اسمها الحركة المدنية.. علشان إيه ده يعني.. أنا شخصيا عارف قوتك.. والله العظيم في أحزاب مفيهاش أي عضو هو أنت عايز تفشل الحوار الوطني لمصلحة مين.. طب ليه دخلت من الأول».
ابحثوا عن مصر
وشدد موسى على ضرورة التغاضي والتنازل وتجنيب المصالح الشخصية لحساب مصلحة مصر «تنازل شوية كفاية طلبات ومصالح شخصية.. ابحثوا عن مصر».
وتابع موسى : «أنت أوضة وصالة جاي تتشرط على البلد.. أنا بنصحكم إتكلم على قد وزنك والحوار هينجح بإذن الله.. عودوا إلى صواب العقل والرشد».
