EN 
نشر الفنان كريم الحسينى تعليقا جديدا عبر حسابه على موقع التواصل الاجتماعى إنستجرام يوجه فيه رسالة جديدة إلى الفنان تامر حسنى بعد الرسالة التى خاطبه فيها منذ عام تقريبا.
وقال كريم الحسينى :" فات سنة على نزول البوست ده وبرضه معرفتش أقابل الفنان المحترم تامر حسني، حاولت في خلال السنة دي أوصلك والله كل اللي شغالين معاك محدش بيرد عليا.. أوصلك أزاي أنا عارف إنك لو عايز توصلي هبقى عندك في المكتب بكره، صدقوني هذا المنشور ليس تقليل مني، أنا عارف إنه فنان محترم وراقي وبيحب يسمع أفكار جديدة ومتأكد إنه لو قعد معايا هيحصل خير.
كريم الحسينى ومسلسل الاختيار
وقال الفنان كريم الحسينى فى تصريحات لصدى البلد :"سعيد بمشاركتى فى مسلسل الاختيار لأنه شرف كبير والعمل فى ملحمه وطنيه كبيره زى دى وسام فخر".
وأضاف كريم الحسينى :"وسعيد بالتعامل مع دكتور بيتر ميمي لأنه مخرج عالمى نفتخر به وسعيد بلقائى مع نجم كبير متواضع ومجتهد واخ ليا احمد عز ".
وتابع كريم الحسينى :" فخور باخويا الكبير ياسر جلال و كل سنه دايما فى ضهرى نفسيا ومعنويا وكفايه ترحيبه بيا كل سنه الحمد لله رب العالمين على ردود الأفعال وحب الناس".
مسلسل الاختيار قام ببطولته الفنان ياسر جلال مع كل من الفنانين كريم عبد العزيز وأحمد عز وأحمد السقا ، كان قد احتل المركز الأول منذ اليوم الأول لعرضه .
وشارك في بطولة الاختيار 3 مجموعة كبيرة من النجوم، منهم وخالد الصاوي، ومحمود البزاوي، وسمر مرسي، ومجدي فكري، وبيومي فؤاد، وصبري فواز، وإيمان العاصي، وآدم الشرقاوي، ودنيا المصري، وعصام السقا، ومحمد رياض، وهشام إسماعيل، وعبد العزيز مخيون، وهو من تأليف هاني سرحان وإخراج بيتر ميمي.
