EN 
قالت الإعلامية بسمة وهبة، إن الاستسلام ليس حلا للمشكلات، موضحةً: "لو بصينا على دول تانية هنلاقي إننا في نعمة، وبالنسبة للمقبلين على الزواج، ليه متضايقين؟! ليكم حق تكونوا قلقانين وشايلين الهم، لكن الأسر لازم ترحم بعض، عاوزين إننا نخفف من هموم وأعباء الزواج، منعقدش الشباب في عيشتهم ونروحهم متنكدين من طلباتنا".
وأضافت بسمة وهبة، خلال تقديم حلقة اليوم من برنامج "90 دقيقة"، على قناة المحور: "يجب أن ننتقي الشاب الذي يراعي الله في بناتنا، والمغالاة في مطالب الزواج لا يجعل الزواج سعيدا أو ينجحه، لكن التربية والأصل هم أساس النجاح".
وتابعت الإعلامية: "أقول لأسر البنات ارحموا الشباب، وبغض النظر عن الفرح صغير أو كبير، المعازيم مش هيعجبهم في الآخر مهما تصرف، طب ليه العروسين يفرتكوا الفلوس وميعجبش الناس؟! ما يسافروا مع بعض".
وأردفت: "اللي عندهم اكتئاب واحباط مدمنين سوشيال ميديا وبُعاد عن ربنا، لأن السوشيال ميديا سلاح قاتل ومدمر، أكيد كلنا مرضى لأننا بنستخدم السوشيال ميديا كتير ومش قادرين نبعد عنها، وفي ناس حواليا كتير أصيبت باكتئاب بسببها، ومن كتر ما بيتصفحوا منصات التواصل الاجتماعي ولما بعدوا بقوا ناس طبيعيين، افصل وابعد عن السوشيال ميديا تبقى من إنسان ضعيف ومن الأصحاب".
