EN 
انتقدت الإعلامية لميس الحديدي حالة الأسواق المصرية مؤكدة أنها حالة فريدة من نوعها حيث أن الأسواق تشهد حالة من إعادة التسعير في كل منتج دون معرفة أي سبب ".
تابعت "الحديدي"، خلال تقديمها برنامج "كلمة أخيرة"، المذاع على فضائية "ON": مش عارفين ليه كده ؟ كل المنتجات بيتم إعادة تسعيرها فجأة وبدون سابق إنذار حركة البيع والشراء في قطاعات كثيرة متوقفة تقريباً وفيه سلع كثيرة جداً من السيارات والأجهزة الكهربائية وكل شيء ".
أردفت : ليه كل ده حصل لان التجار فجأة قرروا البيع بالأسعار الجديدة ..مهما قالولك مش هنبيع ومش هنغلي الأسعار الجديدة ستفاجئون أن المعروض في الأسواق قليل جداً عشان بس يعيد التسعير .
أضافت ساخرة : ليه ياعم هو أنت استوردت بالدولار الجديد ؟ هو إيه اللي حصل الدولة حافظت على الدولار الجمركي عند 16 جنيه ؟!. طيب ماتبيعوا المخزون إلي عندكم وبيع للناس سواء سيارات أو أجهزة كهربائية "
تابعت: فكرة أنك تبيع المخزون إلي عندك من غير استيراد بالأسعار الجديدة مش عارفة أسميه إيه ؟ والحقيقة مش عارفة مين المسؤول عن ضبط هذا النوع من السلوك لأننا بنتكلم عن أجهزة متنوعة لازم يبقى فيه ضبط لفكرة توقف بيع المخزون المستورد بالأسعار القديمة "
