لميس الحديدي عن أصحاب ولا أعز: الرقابة لازم تكون رقابة النفس مش حجب المنصة

علقت الإعلامية لميس الحديدي على الجدل المثار حول فيلم "  اصحاب ولا أعز  بعد شموله وإحتوائه على مشاهد وصفت بأنها خارج سياق الثقافة العربية بالإضافة لتناوله للمثلية الجنسية.

وقالت لميس الحديدي في برنامجها "كلمة أخيرة " المذاع على قناة " أون “، :” ده فيلم موجود على منصة مدفوعة باشتراك، أنت تتفرج أو متتفرجش أو تسمح لأولادك يتفرجوا ولا لا ده اختيارك".

وأضافت لميس الحديدي:" أرفض فكرة التطبيع مع المثلية الجنسية، وبختلف معاها بشكل واضح ممكن أكون أكثر سماحة في حاجات تانية  لكن  المثلية بتضايقني  اختلف بوضوح مع التطبيع مع المثلية الجنسية وده الشيء الوحيد اللي انزعجت منه من فيلم "أصحاب ولا أعز".. لكن باقي الفيلم به قضايا مهمة، ومنى زكي وإياد نصار ونادين لبكي كانوا في أفضل حالاتهم".

ورفضت لميس الحديدي فكرة  الحجب  قائلة : “ الرقابة لازم تكون رقابة النفس مش حجب المنصة والمنع أصبح قصة قديمة لو منعنا هيطلع في حتة  تانية  و بعد مشاهدتي فيلم أصحاب ولا أعز خرجت أتناقش مع أصدقائي حول الأسلوب الجيد لتربية الأبناء”.