"شهادة قدام ربنا".. غادة رجب تكشف تفاصيل جديدة عن طبيب وائل الإبراشي

كشفت الفنانة غادة رجب، عن تفاصيل جديدة في قضية طبيب الإعلامي الراحل وائل الإبراشي، قائلة "عيب التشهير بالطبيب بدون أي داعي .. احنا مش هناخد جائزة ولا هنقسم في حاجة يعني .. بس الواحد بيقول كلمة حق وده شهادة قدام ربنا هنتحاسب عليها".

وأضافت غادة رجب في مداخلة هاتفية ببرنامج "كلام الناس"، المُذاع على فضائية "إم بي سي مصر"، أن هذا الطبيب من أشطر وأنجح وأخلص الأطباء الذين تعاملوا معهم، معقبة: "عالجني أنا وجوزي والعائلة بأكملها .. وعالج أصدقائي .. وناس كثيرة أُخرى".

وتابعت الفنانة أنه عالج أيضاً والد زوجها "حماها"، وكان يعاني من مشكلة كبيرة في الجهاز الهضمي، نظراً لأنه استشاري في الكبد والجهاز الهضمي في جامعة المنوفية، معقبة: "اللي هما أشطر أطباء".

وعقبت غادة رجب قائلة: "كل اللي بيحصل ده واللي بيتقال عن الطبيب، هي مهترات مينفعش إن احنا نتكلم فيها قبل التحقيقات .. ونشهر بدكتور كبير وبعائلته وبناته".

مفيش حاجة اسمها حبة سحرية 

وأكملت غادة رجب : "مفيش حاجة اسمها حبة سحرية .. السوفالدي ده حاجة مضادة للفيروسات ومرخصة من وزارة الصحة ومتوفر بالصيدليات .. وده عالجني بيه أنا وأبويا ومامتي وكل أصدقائي .. والكلام اللي بيتقال ده غريب علينا .. والمفروض نستنى التحقيق وبعدين نبقى نشهر بالراجل ..عيب".