EN 
حرص مطرب المهرجانات الشعبية حمو بيكا على شكر الشاعر بهاء الدين محمد، بعد أشادته بفنه، وذلك عبر حسابه الشخصي على موقع التواصل الاجتماعي فيسبوك.
وكتب بيكا: “استاذنا الفاضل استاذ بهاء الدين محمد شكراً لدعمك ورأيك فينا .. تاريخك معروف بالاحترام شكراً جداً”.
وسبق أن نشر الشاعر صورة لبيكا، عبر حسابه الشخصي بموقع التواصل الاجتماعي "فيسبوك"، وكتب له قائلًا: "أنا عايز أقولكم وأعترف لكم بحاجة، أنا بحب حمو بيكا جدًا بتلقائيته وفنه، وكله على بعضه كده، ومحدش يضايقه علشان بجد اللى هيضايقه هأضايقه وهيبقى بجد منفسن ونفسية وغيران منه، مع احتفاظي باعتراضي على الكلام المرفوض علشان ماحدش يعلق بجهل ويعمل نفسه مش فاهمني".
يذكر ان، استنكر مطرب المهرجانات حمو بيكا ، الانتقادات التي تعرض لها خلال الساعات الماضية، عقب مُشاركته في حفل افتتاح أحد المطاعم بمدينة الإسكندرية .
وظهر حمو بيكا فى بث مباشر عبر صفحتة الرسمية عبر موقع التواصل الاجتماعى “ فيسبوك ” ليرد على اتهمه بأنه لا يلتزم بالإجراءات الاحترازية لمواجهة فيروس كورونا.
وقال حمو بيكا “ بلاش تخربوا الدنيا على الفاضي وأنتم مش فاهمين أي حاجة، بلاش تتهموا حد من غير ما تفهموا في إيه أصل ، وكان اللى موجود فى الحفلة انا وعم أحمد شيبة هو اللى كان بيحيي الافتتاح بتاع المكان”.
وتابع “ عمري ما أذيت حد ولا جيت على حد ولا اتكلمت على حد، طول عمري عايش في حالي، كله جه عليا وقلت الحمد لله، طول ما أنا واقف ع رجلي بحمد ربنا، ويارب يخلي لي أمي، أنا مستور بدعواتها ”.
وأشار حمو بيكا “ياريت كل واحد يركز في مستقبله، مش كل حاجة تتطلعوا تخبطوا وترزعوا كفاية.. مش أي هري وخلاص.. ده ماكنش افتتاح المطعم بتاعي، لسه هفتح المطعم في شهر 9 الجاي”.
واختتم بيكا قائلا “ أى حد يتمنى لي الشر حسبي الله ونعم الوكيل فيه، عشان عمري ما تمنيت لحد الشر”.
