EN 
قال الفنان آسر ياسين، إن الرجال جديرون بالثقة، معقبا: "أنا بشوف الرجالة من منطلق معرفتي بنفسي وأصدقائي".
وأضاف "آسر ياسين"، خلال استضافته ببرنامج "السيرة" المذاع عبر فضائية "دى إم سي"،: "دايما ببص لأي شخص وهو طفل، كان عامل ازاي؛ لأن الراجل عبارة عن طفل صغير"، وقال: "مش حاجة وحشة إن الراجل يكون بيحب الستات.. وأي شخص بتكون سمعته سبقاه".
وتحدث آسر ياسين عن والديه، قائلا: "والدى كان قدوة بالنسبة لى، وأمى تعبت معانا جدا لكنها قدرت تسيطر على شقاوتى أنا وأخويا بالرياضة".
وكشف عن طفولته، قائلا: "وأنا عندى 4 سنين كنت بحب أجرب حاجات كتير، كنت بحط المخدات فوق بعضها وأطير من فوقها معرفش وقتها كنت بفكر فى ايه، مرة استخبيت فى فرن البوتاجاز، ومرة حطيت ايدى فى جنزير عجلة ومكنتش عارف أبكى ولا أصوت ولا أنادى على حد".
