EN 
رد الفنان آسر ياسين، على سؤال هل أنت معقد؟، قائلا: "أنا معقد جدا طبعا".
وأضاف "آسر ياسين"، خلال استضافته ببرنامج "السيرة" المذاع عبر فضائية "دى إم سي"،: "عندي مشاكل جامدة جدا، وكان فيه حاجات اتغلبت عليها زي القلق".
وأوضح: "بقلق جدا أما آجي اتخذ قرار، وكان بيعملي نوع من الإزعاج"، متابعا: "عندي عُقدة من الأماكن المغلقة، وبنزعج جدا من الخنقة، وإن يكون فيه حدا مكتف حركتي أو اختياري".
واستطرد: "بزهق بسرعة، وبخاف من الأماكن المغلقة، ومتعقد من الشخصية التحكمية.. وكنت بخاف من الزواحف جدا لكن تغلبت على المشكلة".
وتحدث آسر ياسين عن والديه قائلا: "والدى كان قدوة بالنسبة لى، وأمى تعبت معانا جدا لكنها قدرت تسيطر على شقاوتى أنا وأخويا بالرياضة".
وكشف عن طفولته، قائلا: "وأنا عندى 4 سنين كنت بحب أجرب حاجات كتير، كنت بحط المخدات فوق بعضها وأطير من فوقها معرفش وقتها كنت بفكر فى ايه، مرة استخبيت فى فرن البوتاجاز، ومرة حطيت ايدى فى جنزير عجلة ومكنتش عارف أبكى ولا أصوت ولا أنادى على حد".
