EN
كشف الإعلامى محمود سعد عن الفارق بين العملاق أحمد زكى والزعيم عادل إمام من حيث علاقتها بالصحافة والإعلام.
وقال محمود سعد فى بودكاست مين معايا : أنا في الواقع أحب أبقى سريع شوية، أبقى جاهز فكنت بعمل حوار مع عادل إمام وهو له طبع إنك تسأله اسمك إيه؟ فيقولك اسمي عادل إمام هو بياخد راحته في الاجابة فلازم أصبر عليه، فعرفت بعد ثالث حديث معاه إنه من النوعية اللي لازم تصبر عليها ولازم متلحقوش بالأسئلة وإلا هيتلغبط لأنه بيفكر وبيتكلم فيأخذ وقت في الإجابة.
واضاف محمود سعد : أحمد زكي كان من أعز أصدقائي، علاقتنا مش مجرد علاقة نجم بصحفي، وفي الحوارات أحمد زكي تنكشه ينفتح معاك وأول ما اشتغلت في التلفزيون، الناس كانت تقولي هتستضيف أحمد زكي امتى؟ فسألت أحمد وقلت له: “هتطلع معايا امتى؟” في البداية، قال لي: “أنا مش عايز أطلع في التلفزيون، شوية وكلمني وقال لي هجيلك ونصور سوا”.
وأوضح محمود سعد : “عشان عارف أحمد زكي، كلمت عمار الشريعي وأمال ماهر كانت لسه طالعة جديد، وأديتهم ميعاد الساعة 10، وأديت ميعاد لأحمد زكي الساعة 8”.
وأشار محمود سعد : "الساعة 7 كلمت أحمد زكي فقال لي: «أنت اشترتني يعني يا محمود يا سعد، أنا جاي، وحضر الساعة 8 وقال لي هقعد ربع ساعة فقعدنا ساعتين ونصف".
