كشفت الإعلامية مروة صبرى عن سبب انتقادها للفنانة مها أحمد بعد ظهورها عبر تطبيق التيك توك وطلبها بقطع الإنترنت عنها.

وقالت مروة صبرى فى ندوة “صدى البلد”: "مها أحمد فنانة محترمة وموهوبة ولكن ما تفعله عبر التيك توك أمر غير لائق بمكانتها الفنية، خاصة عند توجيه بعض الألفاظ غير اللائقة لجمهورها.

وأضافت: "كلمتى الخاصة بقطع النت عنها ليس بها عيب أو هجوم عليها أو توبيخ لها وهى مش سداح مداح".

مروة صبرى ورانيا يوسف

وقالت مروة صبري، خلال مقدمة برنامجها "قعدة ستات: "رانيا يوسف طلعت علينا بفيديو كليب، ليه بتغني مين أقنعك وقالك إن صوتك حلو، إنتي فنانة وممثلة شاطرة ولكن صوتك حلو لأ صوتك وحش، بتعملي استعراضات؟ أعتقد الجمهور مش مطلوب منه يشوف حاجة هو مش عايز يشوفها".

واستكملت مروة لترد على أي شخص قد يقول لها إن عليها عدم مشاهدة الأغنية إذا لم تعجبها: "في حد بيتفرج عليا في قمة الاحترام يقولي حضرتك متتفرجيش، لأ إحنا بقينا مجبرين دلوقتي السوشيال ميديا مبقاش فيه متتفرجيش، السوشيال ميديا إحنا قاعدين بنقلب على فيسبوك ولا تيك توك ولا إنستجرام كل الحاجات دي بتطلع لنا، إذا إحنا الجمهور بيجيله اكتئاب، أنتم برضو إرحموا الجمهور، أنا مذيعة آه بس واحدة من الجمهور بتفرج، بتغني ليه مين أقنعك وضحك عليكي ووقعك في الفخ دا وقالك خشي غني".