EN
ناهد فتاة عشرينية في عامها الأخير بالعقد الثالث، وقفت أمام محكمة الأسرة في الكيت كات طالبة الخلع من زوجها بسبب أسلوبه المتكرر معها والمتضمن التلميح بأنها لا تفهم في الذوب والموضة، حتى أنها طلبت في النهاية الإنفصال وحينما رفض لجأت إلى محكمة الأسرة طالبة الخلع منه.
ناهد تطلب الخلع والسبب ملابسها
أقامت ناهد دعوى خلع من زوجها في محكمة الأسرة، وذلك لقيامه بالتنمر على ألوان ملابسها الخاصة في منزل الزوجية وإعتراضه الدائم على الألوان حيث دائما ما كان يردد لها «ألوانك كلها ألوان بيئة ومش عاطفية»، حتى أنه بات يفضحها بهذه الأحاديث أمام أسرتها وهو ما لم تتحمله وطلبت على اثره الإنفصال.
قالت ناهد عن قصتها «أنا عندي 29 سنة ومتجوزة بقالي سنتين بس، كنت بشتغل في مكتب وهو كان بيتعامل مع المكتب عندنا وبعدها أتقدم عشان يتجوزني، وأهلي وافقوا وفعلا أتخطبنا وبعدها أتجوزته، وفي شهر العسل كانت الأمور طبيعية جدا ومفيش اي مشاكل بيني وبينه، وقضيت معاه شهر العسل من غير أي حاجة وبعدها بفترة كمان كانت الدنيا تمام».
وتابعت ناهد في شكواها ضد زوجها «بعد حوالي 7 شهور جواز كنا سهرانين أنا وهو سوا وكنت لابسة لبس بيت ولونه أصفر، وبعدين أول ما شافني قالي إيه الألوان دي يابنتي، غيري ياشيخة إيه ده، ودخلت الأوضة غيرت هدومي ولبست لبس لونه أحمر ورجعت له قالي إنتي مصممة بقى على الألوان دي، دي ألوان بيئة وعشوائية».
وأضافت ناهد «فضلت بقى أنا في القصة دي فترة كبيرة، كل ما ألبس لون مايعجبهوش، مفيش غير الأبيض والأسود بس هو اللي عاجبه وشايفه رومانسي وشيك جدا، لكن كل ألوان الهدوم بالنسبة له عشوائية وبيئة، وشايف أني مبعرفش ألبس وبقى يقوم لأهلي وأهله».
وأكملت الزوجة «اتكلمت معاه كتير أنا وهو سواء بالذوق أو بالخناق مش فاهمة يعني مفيش غير الأبيض والأسود بس لكن كل حاجة هو شايفها عشوائية إزاي يعني، وسألته في مرة طيب أنت تقصد شكل هدومي أو الأستايل قالي لا الألوان دي بتاعت ناس عشوائية».
واختتمت ناهد قائلة «طلبت منه الإنفصال في هدوء قالي مش موافق وفيها إيه لما تلبسي اللونين دول بس، ولما أكون برا إلبسي الباقي، سكت وكلمت محامية صاحبتي رفعت لي قضية خلع عشان أخلص منه وأرتاح من الضغط ده».
