EN
قصة مثيرة بدأت تفاصيلها بمقطع فيديو متداول بعنوان «العروسة المغصوبة على الجواز» أثار حالة من الجدل بعد أن ظهرت عروس داخل مركز تجميل يبدو على ملامحها الاشمئزاز وعدم التقبل لعريسها بمجرد دخوله عليها ورؤيتها له.
عريس كفر الدوار
أكد محمد الملوي عريس كفر الدوار، الذي ظهر في فيديو مثير للجدل مع خطيبته، أن المقطع المتداول تسبب في إصابته بحالة نفسية سيئة للغاية أجبرته على العزلة داخل منزله.
فضيحة أمام الناس
و قال العريس محمد الملوى فى بث مباشر gJ «صدي البلد» : « مش عارف أوري وشي للناس، فضيحة كل الناس شافتها، منه لله إللي نشر الفيديو دمر حياتي».
ملبسش بدلة
وأوضح محمد: «عروستي بتحبني وأنا بحبها لكن كان موقف زعل بسيط وراح لحاله في ساعتها عشان ملبستش بدلة، ظروفي على قدها ومقدرتش اشتري بدلة، تقوم أنت ليه تنشر الفيديو بالشكل ده وتأذيني».
قفلوني من العروسة
و قال: «خطيبتي اتصلت علي كذا مره بعد الفيديو ما اتنشر عشان تطيب خاطري، بس أنا مش قابل أرد عليها قفلوني منها وحصلت مشاكل بين أهلي وأهلها رغم إنه كان موقف ممكن يعدي لحاله، منه لله اللي كان السبب يارب يكون مبسوط دلوقتي».
مفيش مشكلة
أكدت نسمة عروسة كفر الدوار أنها تعجبت من تصرف صاحب الكوافير، خاصة بعد قيامه بنشر الفيديو الذي كان خطيبي متواجد فيه، معلقة «مفيش أي مشاكل بيني وبين خطيبي واللي حصل كان سوء تفاهم فقط».
عايزة اعتذار
وقالت نسمة، في تصريحات تليفزيونية «احنا نفسيتنا صعبة بسبب الفيديو المنتشر والتعليقات، وعايزة اعتذار من الكوافير نفسه، خاصة بعد الهجوم الذي تم بسبب هذا الفيديو، وأقول لصاحب الكوافير.. حسبي الله ونعم الوكيل في المشكلة اللي تصدرت لينا أنا وخطيبي».
