EN
يستكمل موقع صدى البلد نشر نص تحقيقات قضية فتاة حدائق القبة، المتهمة فيها نهلة م ومحمد ج والتي حملت رقم 458 لسنة 2024 جنايات حدائق القبة والمقيدة برقم 377 لسنة 2024 كلي غرب القاهرة، المتهمين فيها بحيازة وإحراز مواد مخدرات بقصد التعاطي.
نص شهادة معاون مباحث حدائق القبة في قضية شارع بورسعيد
حيث شهد معاون مباحث قسم حدائق القبة خلال التحقيقات، بأنه أثناء مروره بدائرة القسم مترجلا في شارع بورسعيد وبرفقته قوة من أفراد الشرطة شاهد سيارة ملاكي متوقفة على جانب الطريق وقام بالتوجه لاستطلاع الأمر وما أن اقترب منها شاهد فتاة حدائق القبة جالسة بجانب السائق وتقوم بتعاطي مادة بيج اللون تشبه الهيروين المخدر بداخل عملة ورقية باستخدام قطعة بلاستيكية.
وتابع معاون مباحث حدائق القبة، بأنه طلب من الفتاة النزول من السيارة وأثناء ذلك شاهد على قدمها وهي تجلس عدد لفافتين بلاستيكيتين شفافة اللون ويظهر بداخلهم قطع حجرية بيج اللون تشبه الهيروين وقام باستخلاصهم وهاتف محمول وميزان حساس الكتروني صغير الحجم وبمواجهتها أقرت بحيازتها العملة الورقية وما بداخلها بقصد التعاطي.
وأضاف معاون مباحث حدائق القبة، طلب من القوة الالتفاف حول المتهمة لمنعها من الهرب وحين نظر للمتهم قائد السيارة لاحظ عليه علامات الشك والارتباك الشديد فحاول اخراج شيئ من بين طيات ملابسه وهو جالس في السيارة والتخلي عنه فقام باستخلاص هذا الشيء وطلبت منه إزهار ما بيده وبفحصه تبين أنه عدد لفافتين بلاستيك شفافتين وطلبت منه النزول من السيارة وعثرت بحوزته على لفافات لمخدر الأيس.
وقالت نهلة م، أنا عندي 30 سنة من مواليد غرب الاشلاق العباسية وطول عمري ساكنة هناك ووالدي شغال موظف حكومة كان متزوج قبل والدتي زوجتين تانيين وخلف من واحده ولد ومن التانية بنت وبعدها اتجوز والدتي وخلف منها ولد وبنت توأم وهما أكبر مني وبعدها خلقني ووالدتي كانت شغالة موظفة في حي الوايلي ووالدي كان بيصرف عليا أنا واخواتي الاشقاء وغير الأشقاء وكان بيعاملنا نفس المعاملة.
وتابعت نهلة - فتاة حدائق القبة - في اعترافاتها، والدي صرف علينا ودخلنا كلنا تعليم وأنا اتخرجت من كلية الحقوق سنة 2016 ووالدي توفت وأنا في الدراسة سنة 2014، وفي 2018 اتجوزت أحمد اللي كان شغال معايا في نفس الشركة وفي أخر سنة 2018 انفصلت عنه بسبب الظروف المادية وفي أول سنة 2019 اتعلمت شرب المخدرات بسبب صحابي وكنا بنشرب هيروين وفي نص سنة 2019 أهلي عرفوا وقرروا يساعدوني ويعالجوني ودخلوني مستشفى العباسية.
وتابعت فتاة حدائق القبة في أقوالها، مقدرتش اقعد في المستشفى أكثر من 3 أيام بسبب أني بخاف من الحبس ومن الناس الغريبة، وطلبت من أهلي انهم يطلعوني من المستشفى وابتديت رحلة العلاج في البيت عن طريق اني كنت بتابع مع دكتور وكان بيكتبلي أدوية وأخدها وساعتها ابتديت اصنع ملابس يديوة وسجاد واشتغل في التصميم عشان اشغل وقتي وابعد عن المخدرات لحد سنة 2021.
وأضافات فتاة حدائق القبة، بسبب الخنقة وإني ديما محبوسة في البيت رجعت تاني أشرب هيروين وكان من فترة لفترة ابطل واشرب ونزلت اشتغل في شركة للمراتب في نص 2023 وفي أخر السنة أنا اتعرفت على المتهم اللي معايا لانه شغال سواق في شركة توصيل، وكان وصلني في مرة من فترة من العاشر لبيتي في القاهرة الجديدة ومكنش معايا فلوس ساعتها وطلبت منه اني احوله الفلوس لما اطلع ووافق ودي كانت بداية الثقة بيني وبينه.
وأكملت فتاة حدائق القبة، بعدها ابتدى يكون في بينا تعامل وابتدينا نتكلم مع بعض وفي مرة كنت عايزة اشتري أيس وسألته وابتديت اشده في الكلام عشان أعرف هو ليه في المخدرات وسألته يعرف يجيب لي آيس ولا لا وساعتها قالي أنه يعرف حد بيجيبه وفعلا جاب لي من حد صاحبه مش عارفاه بس في الوفت ده عرفت أنه بيشرب هو كمان وشربنا مع بعض، ومعجبنيش الآيس بس عرفت الطريق اللي اجيب منه لو احتجت.
واستطردت فتاة حدائق القبة، يوم الواقعة كنت عايزة اشتري هيروين لان اللي معايا خلص وكلمت الديلر اللي بتعامل معاه في منطقة مسطرد وطلبت منه اني اروح شارع بورسعيد بين الحدائق والأميرية وأن في واحد هناك ودي كانت أول مرة تحصل لأني كنت متعودة اروح أجيب منه في مساكن مسطرد وأنا مكنش معايا عربية وقفتها، اتصلت على المتهم وعرفته اني رايحة مشوار وجالي البيت واديته آيس وهو مكنش يعرف أنا رايحة ليه وساعتها قابلت الديلر واداني الحاجة والمتهم سألني ايه ده وقولت له ده هيروين وأنا مدمنة عليه.
واختتمت نهلة، ساعتها زعل مني وقالي إزاي تعملي كدة ومفيش بعدها بدقيقة وقف ميكروباص نزل منه 3 أشخاص وكانت المخدرات على رجلي وأول ما شوفتهم اتخضيت وقعوا في العربية راح واحد نزلني وفتشني خد الحاجة وقبضوا عليا أنا والسواق، وأنا عايزة اتعالج وابطل مخدرات وعارفة ان ربنا غضبان عليا وأن افعالي سبب في اللي جابني هنا، وأنا نفسي اتعالج واتوب لربنا ويسامحني.
