EN
نشرت أرملة المخرج الراحل أحمد البدري، عبر حسابه على موقع التواصل الاجتماعي فيسبوك، تعليقا تحدثت فيه عن اكتشافها حقيقة اشخاص كانوا مقربين منه .
وقالت أرملة أحمد البدري: الله يرحمك يا بدريكا ويسامحك ويغفر لك ارتحت يا حبيبى من الناس اللى كانت عشرة عمرك وكنت قبل ما تدخل اى شغل بترشحهم كمساعدين اخراج ليك أو تصوير أو ديكور كانوا عاملين فيها حبايبك من ساعة ما روحت عند ربنا وانا كل يوم بكتبلك بوست ادعيلك فيه واطلب من حبايبك يدعولك.. للاسف ملقتش ولا اسم واحد فيهم بيترحم عليك أو بيعمل لايك او حزين كنت فاكرة أن مفيش حد فيهم بيدخل الفيس بوك بس للاسف هما ناس نشيطة جدا على الفيس بوك وبيدعو ويباركو وعاملين الواجب الصراحة مع الناس اللى عايشة ربنا يبارك فى عمرهم.
وتابعت أرملة أحمد البدري : واحب اقولكم أنها مش دايمة لحد وانا مش مصدومة فى حد من اول ما البدرى سابنى وانا مبقتش اتصدم.. واحب اقولك يا بدريكا متزعلش منهم انت عندك أصحاب كتييير اوى بيحبوك جدا وكل يوم بيدعولك دعوة صادقة من قلوبهم بيحبوك بجد ربنا يتقبل منهم دعائهم ليك ويكون في ميزان حسناتك يا غالى انت فى مكان احسن بكتيييير عند الرحيم الرؤوف بعبادة وإن شاء الله نتقابل في الفردوس الأعلى يا حبيبى.
واستكملت : اللَّهُمَّ اغْفِرْ له وَارْحَمْهُ واجعل قبره روضه من رياض الجنة ولا تجعله حفرة من حفر النار اللهم اجعل عن يمينه نورًا حتّى تبعثه آمنًا مطمئنًّا في نورٍ من نورك اللهمّ انظر إليه نظرة رضا فإنّ من تنظُر إليه نظرة رضا لا تعذّبه أبدًا اللهمّ أسكنه فسيح الجنان واغفر له يا رحمن وارحمه يا رحيم وتجاوز عمّا تعلم يا عليم.
