EN
تراجعت الفنانة منال عبد اللطيف عن التصريحات التي أدلت بها في إحدى القنوات الفضائية عن تفكيرها في خلع الحجاب.
وعلقت منال عبد اللطيف قائلة: “أنا الحمد لله مقتنعة بحجابي وبحبه وربنا يثبتني”.
وتابعت منال عبد اللطيف حديثها: “أنا بس شيرت البوست عشان تعرفوا إن كل مواقع السوشيال ميديا بيعملوا عناوين كذابة ومفبركة وبس”.
وتابعت منال عبد اللطيف: “ربنا يهدي الجميع. وبشكر كل متابعيني وأصدقائي اللي مصدقوش الكلام الفارغ ده”.
تصريحات منال عبد اللطيف:
أكدت الفنانة المحجبة منال عبد اللطيف أن فكرة خلع الحجاب تراودها، وذلك فى حوار تليفزيوني مع الإعلامية مروة صبري .
وقالت منال عبد اللطيف: فكرت إني أقلع الحجاب، ليه الفكرة بتراودني لأن أوقات بتوحشني منال المنطلقة، وأنا بطبيعتي منطلقة وأوقات بتوحشني منال وابقى عايزة انطلق في كل حاجة وأن مفيش حاجة تقيدني لكن سريعًا بقول لأ أنتي تدعي ربنا انه يثبتك لأن دي خطوة مش هينة على طول برجع لدماغي فورًا لكن بتراودني الفكرة طبعًا بتراودني».
وأضافت منال عبد اللطيف : وكل ما بتيجي الفكرة على بالي وأول يا منال اقلعي بقى الحجاب وبعدين أقول لنفسي انتي اخدتي الخطوة وقعدتي السنين دي، والفكرة اللي بتلح عليا أن إن شاء الله لما بنتي الكبيرة فرح تتجوز بفكر أني في الفرح أقلع الحجاب مش عارفة ليه بس الفكرة دي بتزن عليا ومش ضروري ألبس فستان مفتوح أهم حاجة أني أكون منطلقة لأن دايمًا الطرحة بتضايقني وأقعد طول الوقت أظبطها، وبقالي 11 سنة محجبة
