تباشر النيابة العامة في القاهرة التحقيقات في واقعة فتاة البساتين التي اتهمت شاب بالتعدي عليها بالسب والقذف في البساتين بالقاهرة، بعدما حاولت الدفاع عن نفسها من تحـ ـرش مسن بها داخل ميكروباص.

[[system-code:ad:autoads]]

بعد إحالته للجنايات.. اعترافات جريئة للمتهم بإنهاء حياة طفل الأعضاء بشبرا الخيمة

انقلاب سيارة نقل على طريق السويس وعبورها الاتجاه الآخر| فيديو

وفاة طالب ثانوية عامة بأزمة قلبية في لجنة بحدائق القبة.. تفاصيل

قرار عاجل من النيابة بشأن واقعة صفع عمرو دياب لشاب في القاهرة

فتاة البساتين تكشف ما حدث معها في الميكروباص

حيث فحصت الأجهزة الأمنية في القاهرة مقطع فيديو منتشر للفتاة والتي تدعى ح أ وتبين أنها قامت بتحرير محضر في قسم شرطة البساتين، وجرى العرض على النيابة العامة لمباشرة التحقيقات في الواقعة.

[[system-code:ad:autoads]]

وقالت فتاة البساتين بالقاهرة «انا مبركبش مواصلات عامة بسبب خوفي من التعرض للمواقف الوسخة والتحرش من رجالة بلدنا ومرتبي كله ضايع ع اوبر النهاردة الدنيا مكانتش زحمة اوي ف قولت فيها ايه لما اركب مواصلات ونوفر النهاردة».

وتابعت فتاة البساتين «كالعادة طلع قرار خاطئ تماما، قاعدة ف الكرسيين اللي جنب السواق حاطة السماعات، كل شوية احس بايد بتتحط ع الكرسي بتاعي من ورا ولازقة ف ضهري، بصيت لقيته راجل كبير قولتله ممكن بس ايدك بعد اذنك يا حج، بصلي باستغراب ومتحركش، ف قدمت انا بنفسي قدام، كل شوية ايده بتتحرك مرة تانية إما تشد شعري او تعمل حاجة غريبة انا مش قادرة احددها».

وأكملت فتاة البساتين «لفيت قولتله بعد اذنك بس يا حج ايديك من عالكرسي، قالي ايه هو انا لمستك انتي فاكراني بعاكسك يعني! قولتله انا مقولتش ان حضرتك بتعاكسني ممكن بس ايدك من عالكرسي؟ راح ماسك الكرسي بايديه الاتنين وقعد يخبط فيه وقالي لا مش هسيبه هو انتي فاكراني قدك وهعاكسك قولتله هو انت بتعمل ايه شيل ايدك من عالكرسي !!! ماليش دعوة قدي ولا لا انا بقولك الكرسي بتاعي ! لقيت ولد جنبه بيقولي انتي بتتكلمي كدا ليه ده راجل قد ابوكي! قولتله خليك ف حالك لو سمحت انا مغلطتش فيه».

واستكملت فتاة البساتين «لقيت البطل اللي ف الفيديو اللي تقريبا مستحملش يشوف واحدة راجل كبير ضايقها ف بترد عليه وبدأ يقولي انتي بتتكلمي كدا ايه يا بنت كذا وكذا وسيل من الشتايم اللي من كتر ذهولي وخضتي منها فضلت ساكتة شوية ومجاش ف بالي غير اني اطلع الموبايل اصوره».