تفاصيل جديدة في قضية طفل شبرا الخيمة، حيث أحالت النيابة العامة المتهمين بقتل طفل والتمثيل بجثمانه، وعرض ذلك على المنصات الإلكترونية الخلفية لتحقيق الربح المادي، إلى محكمة الجنايات المختصة.

[[system-code:ad:autoads]]

انقلاب سيارة نقل على طريق السويس وعبورها الاتجاه الآخر| فيديو

وفاة طالب ثانوية عامة بأزمة قلبية في لجنة بحدائق القبة.. تفاصيل

قرار عاجل من النيابة بشأن واقعة صفع عمرو دياب لشاب في القاهرة

معرفش حاجة عن علاقة زوجتي بعشيقها.. مفاجأة مدوية في اتهام ربة منزل بقتل طفلتها

اعترافات المتهم بإنهاء حياة صغير شبرا الخيمة

واتهمت النيابة في قضية طفل شبرا الخيمة، المتهمين بالقتل المقترن بالخطف والاشتراك فيه، وإحراز أسلحة بيضاء وذلك في القضية رقم ۹۸۰۰ لسنة ۲۰۲٤ جنايات قسم أول شبرا الخيمة السابق قيدها برقم ۱۸۲۰ لسنة ٢٠٢٤ إداري قسم أول شبرا الخيمة.

[[system-code:ad:autoads]]

المتهم الرئيسي في القضية طارق أنور - 29 سنة ويعمل قهوجي، قرر خلال التحقيقات قائلا «اللي حصل إني من 11 سنة تركت بيت أهلي واتمرمط في الشوارع من مكان لمكان ومكنتش لاقي حتة أقعد فيها وفي شهر سبتمبر عام 2023 اتعرفت على واحد أسمه محمد عزت وشهرته «أبو حمزة» عن طريق صفحة على الفيسبوك وطلع سمسار أعضاء بشرية بيوفق المتبرعين بالمرضى مقابل مبالغ مالية، وقالي ساعتها إني ممكن ابيع كليتي مقابل 170 ألف جنيه».

وأضاف المتهم بقتل طفل شبرا الخيمة في اعترافاته، جابني بيت في شبرا الخيمة ونزلت اشتغل في قهوة لحد ما عملت عملية استئصال الكلية اليسرى في مستشفى، وبعت كليتي مقابل 170 ألف جنيه، اخدتهم من أهل المريض في كافتيريا المستشفى ورحت، وفي يناير 2024 صاحب القهوة مشاني من الشغل عشان شديت معاه في الكلام وكلمته بطريقة سيئة جدا، وقعدت في البيت اللي استئجرته في شبرا الخيمة، وفرشته كويس بس الفلوس كانت بدأت تخلص.

وتابع المتهم بقضية شبرا الخيمة، دخلت على صفحات التبرع بالأعضاء البشرية على الفيسبوك ودونت بيانات المرضى والمتبرعين علشان أحاول أوفق بين الحالات بس معرفتش عشان سكتها كانت صعبة فأنا عملت منشور على الصفحات بصفحتي الشخصية عرضت فيه بيع فص كبد من عندي ولقيت واحد اسمه علي خالد من برا مصر من الكويت تواصل معايا على رسائل الخاص، وقال إن في مشروع أحسن من التبرع ، وهو أني أجيب طفل من 7 سنين لـ 18 سنة بشرط يكون رفيع مش تخين وأخذ عينات منه هتتباع بملايين.