حصل موقع صدى البلد على نص اقوال والد الطفلة ريتاج في قضية اتهام زوجته وعشيقها بقتل طفلته في مدينة نصر بسبب تبولها اللاراداي.

وجاءت اقوال زوج المتهمة كالآتي:

س: ما قولك فيما ورد بمحضر جمع الاستدلالات والمحرر بمعرفة مجري التحريات، من عدول زوجتك المتهمة وإقرارها بقيام المتهم محمد جابر عثمان بالتعدى على ابنتكما الطفلة المصابة ريتاج واحداث اصابتها وكان ذلك بتحريض منها؟

[[system-code:ad:autoads]]

ج ايوة هما اللي ضربوها .

س وكيف وقفت على ذلك؟

ج في ظابط امبارح في القسم قالي ان مراتى والواد اللى كان معاها هما التي ضربوا

بنتي ريتاج ..

س وبم تتهمهما تحديدا؟

ج انا يتهمهم بضرب بنتي واحداث اصابتها .

[[system-code:ad:autoads]]

س وكيف وقفت على ذلك؟

ج عشان هما ضربوها فعلا وانا عرفت الكلام دة امبارح في القسم .

س وما هي كيفية تعديهما على ابنتك ؟

ج انا معرفش هما ضربوها ازاى و مشوفتش حاجة يعيني انا كل اللي عرفته في القسم انها كانت متهماني انى انا اللى ضربتها وبعد كدة الظباط عرفوا منها أن هي والواد اللي معاه هما اللي ضربوا البنت .

س وما هو مقصدهما من اتيانهما بتلك الأفعال الفة البيان؟

ج: معرفش ليه عملوا كدة .

س: ما قولك فيما ) ا أثير بالمحضر أنف البيان من وجود علاقة غير شرعية فيما بين زوجتك وبين المتهم؟

انا معرفش حاجة عن الكلام دة .

س: هل تتهم زوجتك بثمة اتهام بشأن ذلك؟

ج: لا مش عايز اتهمها بحاجة .

س ومتى كان انفصالك عن زوجتك؟

ج من حوالي سنتين .

س وما هو سبب انفصالك عنها؟

ج خلافات زوجية عادية زى اى اثنين متجوزين وكل واحد راح لحاله .

س وهل كان يوجد ثمة تواصل فيما بينكما خلال تلك الفترة؟

ج لا خالص .

س وهل كان يوجد ثمة تواصل فيما بينك وبين طفلتيك ريتاج و سما خلال تلك الفترة؟

ج لا خالص .

س وما الذي حال دون تواصلك بزوجتك وبابنتيكما خلال تلك الفترة؟

ج مشاغل بقى واحنا انفصلنا خلاص وهي خدت البنات وكل واحد فينا راح لحاله .

س وما هي وجهة زوجتك وطفلتيكما عقب انفصالكما؟

ج هي راحت اجرت مكان تقريبا في عين شمس بس معرفش فين وبعد كدة عرفت انها راحت تسكن في عزبة الهجانة بس مش فاكر امتى أو فين بالظبط عشان مفيش تواصل بيننا .

س: هل من ثمة خلافات فيما بينك وبين زوجتك؟

ج: لا عادى احنا انفصلنا خلاص وكل واحد راح لحاله .

س : ما صلتك بالمتهم محمد جابر عثمان وهل من ثمة خلافات فيما بينك وبينه؟

ج انا معرفوش.

س: ما قولك فيما ورد بمحضر جمع الاستدلالات والمحرر بمعرفة مجري التحريات بشأن ما أثارته زوجتك من قيامك بالتعدى بالضرب على ابنتكما الطفلة المصابة ريتاج واحداث إصابتها؟
‏
ج اكيد انا مش هضرب بنتي واللي ضربها المتهم محمد جابر.