EN
حصل "صدى البلد" على نص التحقيقات مع سائق أوبر في واقعة الفنانة هلا السعيد بعدما اتهمته بالتحرش بها على طريق الضبعة، وقررت النيابة إحالته لمحكمة الجنح بتهمة ارتكاب فعل فاضح في الطريق العام "التبول".
وقال المستشار علي فايز محامي المتهم ان النيابة لم توجه للمتهم تهمة التحرش طبقا للتحقيقات وتحريات الاجهزة الامنية التي أكدت عدم تحرش المتهم بالفنانة هلا السعيد وهو ما اكدته ايضا الفنانة خلال التحقيقات قائلة: "هو ملمسنيش خالص".
وتضمنت التحقيقات نص اقوال الفنانة هلا السعيد وجاء بها بعد حلف اليمين:
ما تفصيلات شكواك تحديداً ؟
اللي حصل ان انا امبارح ۲۰۲٤/٥/٢٢ حوالي الساعة ۳۰ : ۱۱ الصبح كنت نازلة من بيتي علشان كنت رايحة مشوار في مدينتي وساعتها طلبت على أوبر عربية علشان توصلني لمدينتي وفعلاً التطبيق أوبر جبلي العربية اللي رقمها ب ر ق /٤٥٧ ماركة بي واي دي فيراني اللون واسم القائد السيارة مصطفى وهو ده اللي قبل الريكوست وجالي عند بيتي في سوديك وركبت معاه وساعتها متكلمش معايا خالص ولقيته ماشي وواخد طريق محور الضبعة علشان يوديني لمدينتي.
وفجأة وأنا راكبة معاه خلال سبع دقائق لقيته هدى بالعربية وراح راكن علي جنب وساعتها سألته انت وقفت ليه راح قايلي علشان فيه عطل في العربية وقالي ان الطرمبة سخنت ولقيته نزل من العربية وراح لافف ناحية الشنطة وفتح شنطة العربية وساعتها سمعت صوت خبط في شنطة العربية فأنا حسيت ان هو بيجيب حاجة منها فلفيت علشان اشوف هو بيعمل إيه فلقيت حزام وزرار بنطلونه مفتوح وكان حاطط ايده علي مكا حساس معرفش هو بيعمل ايه وانا ساعتها خوفت منه علشان الطريق كان مقطوع والمشاكل اللي بتحصل اليومين دول روحت فاتحة باب العربية ونزلت أجري حوالي ٢ متر لورا تقريباً وساعتها فضلت اشاور للعربيات علشان حد يقفلي بس محدش وقفلي.
وتابعت: وهو لما لقاني عمال اشاور واستنجد بالناس راح قافل بنطلونه وراح قايلي انتي خايفة من ايه انا مش هعملك حاجة اركبي معايا وانا هوصلك خلاص ومتخافيش انا مش هعملك حاجة بس انا مردتش اركب معاه وراح واقف اتبول في الشارع وقاللي علشان انا عندي سكر ولازم كل شوية أفك مية.
وراح قايلي انتي فيه حد جايلك قولتله ايوه فقالي خلاص انا هفضل واقف لحد ما الشخص اللي جاي يجيلك لقيته راح منزلي شنطي من العربية وحطها في الشارع ولقيته ساعتها فضل واقف حوالى دقيقة وراح واخد بعضه وماشي ولاغى الريكوست على اوبر وساعتها روحت صورت نفسي بموبايلي عشان اثبت الواقعة وبعديها السواق بتاع جاري اللي كان جايلي جه ووصلني للبيت وبالليل يومها روحت على قسم ثان الشيخ زايد وعملت المحضر وهناك قالولي اطلعي بكرة على النيابة علشان أقول اقوالى وهو دا كل اللي حصل .
متى وأين حدث ذلك تحديداً؟
الكلام دا حصل يوم ۲۰۲٤/٥/٢٢ حوالى الساعة ۱۱:۳٠ صباحاً على محور الضبعة بعد ما اخدني من بيتي اللي في سوديك اللي في بيفرلي هليز.
ما سبب تواجدك بالزمان والمكان سالفي الذكر ؟
أنا كنت رايحه مشوار في مديني وعشان كدة طلبت عربية من اوبر.
هل كان برفقتك ثمة شخص آنذاك ؟
لا ، انا كنت لوحدي معاه لما ركبت العربية علشان يوصلني مدينتي .
وما سبب اختيارك لتلك المركبة حال ذهابك لرحلتك آنذاك ؟
انا طلبته من اوبر وساعتها هو وافق على الرحلة.
ما هو تطبيق اوبر تحديداً ؟
هو تطبيق بيتم تحميله على الهواتف المحمولة علشان اطلب منه عربية توصلني .
وهل انت من قمتِ باختيار السيارة وقائدها مرتكب الواقعة من ذلك التطبيق ؟
أيوة ، تطبيق اوبر بيرشحلي حد عشوائي وانا بوافق عليه ، وساعتها لما رشحلي العربية دي وافقت عليها.
إلی این تحديداً كانت وجهتك آنذاك ؟
أنا كنت نازله من بيتي من سوديك في بيفرلي هليز ورايحة مدينتي .
ومتى تحديداً دلفتي للمركبة رفقة قائدها مرتكب الواقعة ؟
أنا ركبت معاه حوالى الساعة ۱۱:۳۰ صباحاً من عند بيتي.
إذًا صفي لنا تحديداً بيانات تلك المركبة.
هي عربية نوعها BYD لونها فيراني رقمها ب رق / ٤٥٧.
وهل وافقت على بيانات واسم قائد المركبة؟
لا ، انا اللي عرفته انه اسمه مصطفى .
س هل أجبرك سالف الذكر علي الركوب إلى داخل مركبته لإستقلالك لمكان توجهك ؟
ج: لا انا زي ما قولت لحضرتك انا اخترته عشوائي من اوبر وركبت معاه بإرادتي ومكنتش اعرف ان هيحصل
اللي حصل.
وما هي الحالة التي شاهدت عليها قائد المركبة الفة البيان مرتكبة الواقعة للوهلة الاولي؟
انا اول ما ركبت معاه العربية من عند بيتي متكلمش معايا خالص وهو عامة بيبقي عارف انا عايز اروح فين عن طريق تطبيق أوبر.
وهل من لمة حوار قد دار فيما بينك وما بين سالف الذكر حال استقلالك لمركبته؟
لا إحنا متكلمناش
وما الذي إسترعى إنتباهك من ثمة اشياء غريبة وغير مألوفة حال إستقلالك لمركبته آنفة البيان؟
هو في الأول لما ركبت معاه فضل ماشي ومكنش فيه أي حاجة غريبة لحد ما طلعنا لمحور الضبعة، وبعد حوالي سبع دقائق لقيته بيهدي راح راكن علي جنب.
س: وهل إستفسرت من سالف الذكر عن سبب توقفه المفاجئ أنذاك؟
أيوه هو قالي ان العربية فيها عطل وانا هنزل علشان اشوف العطل ، علشان الطرمبة سخنت
س: إذاً ما هي المدة الزمنية المستغرقة حال إستقلالك لمركبته حتى توقف علي جانب الطريق كما شهدتي
ج: انا فضلت راكبة معاه حوالي سبع دقائق تقريباً
س: صفي لنا تحديداً المكان الذي توقف فيه مرتكب الواقعة آنذاك؟
ج هو وقف بالعربية علي محور الضبعة في إتجاه مدينتي بعد ما خرجنا من بوابات زايد وكان المكان كله يمين وشمال صحراء بس انا مكنتش اعرف انا كنت فين بالضبط
س: وهل نما الي علمك سبب إختيار مرتكب الواقعة ذلك المكان تحديداً ؟
ج: لا أنا معرفش
س: إذا ما هي الأفعال المادية التي أتاها مرتكب الواقعة حال توقفكما بمركبته بالمكان آنف البيان؟
ج انا لقيته نزل ورجع ورا العربية وفتح الشنطة وساعتها سمعت صوت خبط في شنطة العربية وانا ساعتها خفت، روحت باصة ناحيته ولقيته فاتح حزام وزرار بنطلونه وحاطت ايده علي عضوه الذكري ومعرفش هو كان بيعمل إيه ساعتها
س: صفي لنا مكان مكوثك ودلوفك بالمركبة آنفة البيان حال خروج مرتكب الواقعة منها تحديداً ؟
ج: انا كنت قاعدة في الكتبة ورا ناحية اليمين .
س: وهل قام مرتكب الواقعة آنذاك حال خروجه من مركبته بإغلاق مركز التحكم بأبواب تلك المركبة آنذاك؟
ج انا مش فاكرة هو فتح باب عربيته بس ومعرفش بقية الأبواب بتاعت العربية مسوجرة ولا لا
س: وكيف تمكنت من رؤية مرتكب الواقعة وهو يقوم بفتح رابط بنطاله كما شهدت علي الرغم من قيامه بفتح حقيبة المركبة كما شهدتي أيضا فيعني ذلك إنعدام الرؤية وفقاً لمكان جلوسك بالسيارة؟
ج: حضرتك هو لما فتح الشنطة كان فيه حته من الازاز تحت خاص اقدر اشوف منها فلما سمعت صوت خبط
بصيت لورا من الحتة الصغيرة ولقيته فاتح حزام وزرار بنطلونه وحاطت ايده علي مكان حساس.
س: صفي لنا تحديدا وجهة واتجاه وبعد مرتكب الواقعة آنذاك ؟
ج هو كان ضهره لطريق العربيات وبيني وما بينه شنطة العربية بس وكان وشه وجسمه مش لشنطة العربية ديركت ولا للسور بتاع الطريق هو كان ما بين البنين .
س: وهل أبصرت المكان الحساس آنذاك؟
ج لا هو كان حاطت ايده عليه
س: هل قام مرتكب الواقعة بثمة أفعال مادية تجاهك أو تعدي عليك أنذاك ؟
ج: لا هو معملش حاجة بس انا لما لقيته فاتح حزام وزرار بنطلونه وحاطت ايده علي كان حساس انا خوفت
س: وما التصرف الذي بدر منك أنذاك؟
ج: انا زي ما قولت لحضرتك انا اول ما لقيته فاتح زرار بنطلونه اتفزعت. روحت نازلة من باب العربية بسرعة وجريت حوالي ٢ متر تقريباً لورا .
س وما هو سبب نزولك من المركبة محل الواقعة تحديداً ؟
ج زي ما قولت لحضرتك علشان اتفزعت وخوفت ليحصل فيا حاجة زي اللي بنسمعه اليومين دولة وكمان علشان
انا كنت سمعت صوت خبط شنطة العربية فخوفت ليجيب مطواة من شنطة العربية يثبتني بيها فنزلت علشان
استنجد بالناس اللي في الشارع وفضلت اشاور ساعتها للعربيات
س: وما هي المسافة التي كانت تفصل فيما بينك وبين مرتكب الواقعة آنذاك تحديداً ؟
ج: حوالي ٢ متر تقريباً
من: وهل ابصرتي ثمة أدوات أو أسلحة يحملها سالف الذكر حال نزولك من المركبة محل الواقعة؟
ج لا انا مشفتش معاه حاجة
س: وما هي حالة الطريق من حيث المارة آنذاك؟
ج هو طريق سريع مفهوش حد ماشي علي رجليه والعربيات بتكون عليه ماشية بسرعة
س: وهل من ثمة إستجابة لإستغاثتك من ثمة شخص آنذاك؟
ج: لا هو محدش وقفلي والعربيات كانت ماشية بسرعة
س: وهل من ثمة حوار قد دار فيما بينك وبين قائد المركبة مرتكبة الواقعة حال تركك له ؟
ايصال استلام نقدية
١٧٤٠ لسنة ٢٠٢٤ جنح ثان الشيخ زايد رقم الحصر: ٤٤٧ سنة الحصر: ٢٠٢٤
ج: انا لقيته قفل بنطلونه وبيقولي انتي نزلتي ليه متخافيش انا هوصلك متخافيش انا مش هعملك حاجة وانا ساعتها
رديت عليه وقولتله انت ايه اللي انت عامله ده وفاتح بنطلونك كده ليه انا مش عايزة الركب معاك لقيته رد عليا وقالي انا عندي السكر ولازم كل شوية افك مية فإركبي معايا متقلقيش بس انا مردتش اركب معاه
س وهل ابصرتي ثمة آثار تبول بارضية مكان توقف المركبة مرتكبة الواقعة وخاصة مكان توقف قائدها انذاك؟
ج: لا
س: وهل يوجد ثمة أماكن إستراحات أو دورات مياه بالمكان محل الواقعة ؟
ج: لا هو طريق مقطوع مفهوش أي استراحات او حمامات بس هو لو كان عايز يدخل الحمام زي ما بيقول كان
ممكن يستني لغاية ما نوصل لاقرب بنزينة ويخش الحمام فيها
س: وما التصرف الذي بدر من مرتكب الواقعة آنذاك؟
ج: انا لقيته وقف حوالي دقيقة وراح فاتح بنطلونه تاني وعمل بول ساعتها في الشارع ولما لقاني ماسكة التليفون راح سالني فيه حد جيلك قولتله ايوه بعد كده قالي انا هفضل واقف لحد ما يجيلك واتفاجئت انه نزلي شنطي وراح سايبني وركب عربيته ومشي ماشي وراح قافل الرحلة من تطبيق أوبر
س: صفي لنا تحديداً وجهة واتجاه وبعد مرتكب الواقعة حال تبوله للمرة الثانية آنذاك ؟
ج: هو كان ضهره لطريق العربيات وبيني وما بينه حوالي ۲ متر وأنا كنت مدياله ضهري وهو كان واقف بزاوية وشه
ما بيني وما بين بلدور الطريق اللي هو سور .
س: وهل قام مرتكب الواقعة بملامسة جسدك او ثمة مواطن لعفتك حال استقلالك المركبة رفقته أو حال نزولك منها؟
ج لا
س وهل قام مرتكب الواقعة طيلة مدة إستقلالك لمركبته او حال نزولك منها بالتعدي عليكي بثمة نوع من أنواع التعدي الفعلي والقولي أو طلب ثمة منفعة جنسية منكي أنذاك؟
ج: لأ اللي حصل انا قولت عليه لحضرتك
س: وهل قام مرتكب الواقعة بإتيان ثمة إيحاءات أو تلميحات أو ردد حوارات او عبارات جنسية أو إباحية تجاهك
ج: لا بس زي ما قولت لحضرتك انا خوفت لما لقيته نزل وواقف ورا العربية وفاتح حزام وزرار بنطلونه.
