EN
مقتل 3 مصريين في دولة عربية، هو العنوان الذي تصدر المواقع الإلكترونية وصفحات منصات التواصل الإجتماعي، في مقتبل شهر مايو 2023 حيث أزهق شابا يدعى تامر حياة 3 مصريين من زملائه في إحدى مدن دولة عربية، وقام بسرقة هواتفهم وأموالهم وتوجه إلى المطار للعودة إلى القاهرة.
اعترافات قاتل 3 مصريين في دولة عربية
باشرت نيابة حوادث شرق القاهرة، التحقيقات في جريمة المتهم بقتل 3 مصريين في دولة عربية، بمطلع شهر مايو الماضي، واستدعت شقيق أحد المتوفين للإستماع إلى أقواله حول الواقعة، كما إستمعت لإعترافات المتهم بقتل المجني عليهم الذي أكد على قيامه بقتلهم داخل الشقة وحجز تذكرة للعودة إلى القاهرة.
وقال المتهم في إعترافاته أمام نيابة حوادث شرق القاهرة، أنا كنت ماشي في الشوارع في دولة عربية مش عارف أعمل حاجة ومش معايا فلوس، وقابلت ع وأخوه ج وعرفوا إني مصري، وقالوا إحنا ولاد بلد وسألوني قولتلهم أنا جيت أحضر ماتش وبعدها قولت مش راجع تاني وبدأت أدور على شغل بس مش لاقي.
قاتل 3 مصريين: غدرت بيهم
وتابع المتهم تامر م - مبلط سيراميك بقتل 3 مصريين في دولة عربية في إعترافاته، قولتلهم إني فضلت ألف في الشوارع لحد ما قابلتهم، وهما أخدوني معاهم لمكان سكنهم وفضلوا يبحثوا عن شغل ليا، وبعد فترة فشلوا في العثور على عمل، فقرروا أنهم يحجزوا تذكرة رجوعي للقاهرة، وتحمل تكاليفها كلها، وعرفوني على صاحبهم التالت، بس ج كان قلقان مني عشان مكنتش بصلي ولا أصوم، وفي آخر أيام شهر رمضان قالولي مش عارفين نجيب لك شغل ولازم ترجع.
وأضاف المتهم أمام نيابة حوادث شرق القاهرة، وبعدين ج حجز لي تذكرة رجوع للقاهرة، وكان الميعاد رابع يوم عيد الفطر الساعة 6 صباحا، وقبل السفر بساعات بسيطة أخدت آلة حادة ودخلت على ع وأ×وه ج وهما نايمين وجمعت كل فلوسهم وبعدين خلصت عليهم وقعدت مستني صاحبهم، لقيته جاي خلصت عليه هو كمان، وبعدين قفلت عليهم الأوضة وسرقت التليفونات ونضفت البيت ونزلت على المطار وسافرت.
وأكملت نيابة حوادث شرق القاهرة التحقيقات حيث تم إخطار الإنتربول والسلطات المصرية بالجريمة، وتسلم جثامين المتوفين وتسليمهم لذويهم، وتم القبض على المتهم في مطار القاهرة الدولي عقب وصوله، وباشرت النيابة العامة معه التحقيقات.
