EN 
يعد نقل جهاز العروس من أبرز المناسبات السعيدة قبل إتمام حفل الزفاف للعروسين حيث اعتادت فيها العائلات على نقل “العفش الجديد والأدوات المستخدمة داخل المنزل” على سيارات.
وبمجرد أن تصل السيارات إلى منزل العروسين الجديدين يبدأ الأهل أو الغرباء بنقل جهاز العروسين إلى شقة الزفاف على السلالم أو داخل الأسانسير.
وبرز في صور منتشرة عبر مواقع التواصل الاجتماعي أغرب صيحات نقل جهاز عروسة ومحتوياته التي كانت من بينها “توك توك وموتوسيكل”.
ظهر في مجموعة الصور المنتشرة حاليا بكثرة خاصة عبر موقع “فيسبوك” رفع موتوسيكل في الهواء وكذلك توك توك لجهاز العروسة الموجود في سيارات أسفلهما على الأرض.
زفة جهاز العروسة
ولاقت الصور احترام متابعي مواقع التواصل الاجتماعي، فكانت من أبرز تعليقاتهم: “كل بلد، قرية، أو حتى مجموعة من الناس فى العالم عندهم عادات و تقاليد سواء كانت مقبولة او مش مقبولة، المهم متاكونش بتتعدى على حرية الغير، أو تسبب لهم اذى أو ضرر، هم حابين يفرحوا بالطريقة دى خلاص زى مايحبوا طالما لم يتعدوا على حرية أحد”.
وفي نفس السياق، لاقت الصور سخرية البعض: “إيه اللي جاب التوكتوك هنا!”، “والله شوفت المنظر ده وصعب عليا بهدلة الفرش، والعفش وكانت مفاجأة ليا اول مرة أشوفها ولما سألت ايه ده، قالوا ده فرش العروسة وزفته”، “توكتوك وموتسكل ليه هيطلعهم السلم وينزلهم”، “طيب إيه علاقة الونش والموتوسيكل والتوك توك في الموضوع ده حد يفهمني”.
