“لا أصدق أننا فعلنا ذلك”.. كان هذا أبرز تعليق من المصور حسام عاطف الشهير بـ “حسام أنتيكا” عقب تصدر احتفالية عقد قرانه على البلوجر الشابة يارا بهنساوي تريند منصات مواقع التواصل الاجتماعي.

ومن بين مقاطع الفيديوهات والصور التي تصدرت التريند لساعات من احتفالية عقد قران حسام أنتيكا ويارا بهنساوي انتشرت صورة لـ يارا بهنساوي تقبل يد زوجها حسام أنتيكا أمام الكاميرات مما أثارت حالة من الجدل بين الجمهور بين من يمدح تصرفها وبين من يذمه، فكانت من أبرز تعليقاتهم: “صورة كلها حب وتقدير”، “اتربينا إنه الراجل هو اللي بيبوس إيد الست مش العكس!”.

هل لاحظته؟..شاهد شاب طبق الأصل من محمد صلاح في عقد قرآن أنتيكا

تاني جوازة بعد خطوبة لأسبوعين.. من هو أنتيكا متصدر السوشيال ميديا بحفل زفافه

حسام أنتيكا ويارا بهنساوي

وبعد زيادة الانتقادات بين مستخدمي السوشيال ميديا من الجنسين حول “صورة يارا البهنساوي تقبل يد زوجها حسام أنتيكا” انتشرت الصورة الثانية من عقد القرآن يقوم فيها حسام أنتيكا “بإلباس الحذاء” لزوجته يارا البهنساوي.

وكانت من أبرز تعليقات الجمهور تفاعلا مع هذه الصورة، قول فتاة: “بمناسبة فرح أنتيكا ويارا والجدل الحاصل عليهم على السوشيال حاليا أنا بس لفت نظري حاجة صورة يارا وهى بتبوس إيده لاحظت عليها ريأكتس أضحكني وتريقة كتير لكن صورة أنتيكا وهو بيعدلها الشوز كان عليها لاڤات وكابشنز حلوة.. طب ليه؟ كلنا بنحب الـ princess treatment وأن الرجالة يكونوا چنتل ويظهروا حبهم واهتمامهم بينا في العلن وبنبقى مبسوطين بدا وبنشجع دا، بس بردو إظهار الاحترام والود لازم يبقى ماشي فى الاتجاهين مش فى اتجاه واحد بس.. بنتريق على كلام ياسمين عز عشان فعلا كلامها أوڤر بس متخلوش كلامها يبدأ يخليكوا تبصوا ع أي فعل أو تصرف حلو تجاه الزوج ع أنه حاجة غلط ويع أو تقليل منكو.. معتقدش واحدة فينا هتمانع تبوس إيد الراجل اللي بتحبه قدام العالم لو هو فعلا يستاهل دا.. الصورتين بالنسبالي جُمال وكيوت جدًا زي بعض وربنا يسعدهم💕، بس يا رب تبقى آخر جوازة لأنتيكا بقى عشان مش هنستحمل إثارة جدل تاني ع السوشيال بصراحة”.

وأضافت فتاة أخرى: “أنتيكا ويارا لطاف جداً ومافيش أي حاجه بيعملوها تستدعي إن حد يتنمر عليهم أو ينتقدهم، اتنين بيحبوا بعض فرحانين ومبسوطين واتجوزوا وليهم طريقتهم الخاصه اللي بيعبروا بيها عن مشاعرهم لبعض، كل إنسان حُر ومن حقه ينبسط بالطريقه اللي تناسبه طلما مافيهاش ضرر لحد، الضرر بجد كلامكم السلبي وتريقتكم علي بني آدمين زينا واعتراضكم على إنهم سوا وقاعدين تنزلوا صوره مع اكساته وتكتبوا كلام مؤذي، نفس الناس اللي بتتصرف التصرفات المستفزه دي هي هي نفس الناس اللي مش عاوزين حد يتدخل في حياتهم، عيب أوي بصراحه، هو معملش حاجه عيب هو مر بعلاقات ومرتحش لحد ما لقى راحته مع حد معين ومافيش أي شيء يعيبه ولا يعيبها في ده، سيبوا الناس تفرح وبطلوا نفسنه وعقد نفسيه عشان ربنا يباركلكوا”.

وتابعت ثالثة بينما أخذ الكثير من الشباب تصرفات البلوجر والمصور المشهورين في الصور المتنشرة من نطاق “ساخر”: مش بحب أعلق على تريندات بصراحة.. بس حقيقي هو لو مش يستاهل مفيش بنت هتتجرأ تعمل كده قدام الكُل..حركه حلوه أوي منها ♥️ الناس نسيت إن في حاجة اسمها (حُب) وبقي كل تفكيرهم ف أنا (إسترونج) وأنا (راجل) معملش كده".