EN 
“6 دقائق من إنشاد ابتهال مولاي للشيخ سيد النقشبندي - رحمه الله-" كانت كافية لإبهار منشد شاب يدعي ”أحمد العمري" النجم أحمد حلمي حيث شارك مقطع فيديو له عبر صفحته الرسمية على تطبيق “فيسبوك”.
وعلق النجم أحمد حلمي على فيديو إنشاد أحمد العمري المنتشر عبر مواقع التواصل الاجتماعي خلال الساعات الحالية، قائلا: “صوتك أحلي من الحلاوه نفسها يا أحمد وحقيقي بيمس القلب”.
أحمد حلمي يمدح أحمد العمري
من جانبه، فؤجي الشاب أحمد العمري بردة فعل الفنان الشهير على إنشاده، معلقا عبر صفحته “فيسبوك”: “لما تبقي نايم وحد يصحيك يقولك الأستاذ أحمد حلمي نزل الفيديو بتاعك علي صفحته، وكاتبلك كلمتين حلوين بصراحة دي مفاجأة فرحتني بجد، ووأا بقالي زمن مافرحتش كده، ربنا يباركلك يا أستاذ أحمد ويجبر بخاطرك زي ماجبرت بخاطري وحقيقي عاجز عن الشكر والله”.
وأضاف المنشد الشاب في تعليق للنجم أحمد حلمي عبر صفحته “فيسبوك”: “شكراًلله ثم لحضرتك علي دعمك ومساندتك ليا ولكل المواهب مش عارف أشكرك ازاي بجد ربنا يعلم اني بحبك جدا وإحنا الجيل اللي إتربي علي فنك المحترم يامحترم جزاك الله خير يا أستاذ أحمد ربنا يجازيك خير يارب ويارب أشوفك في يوم من الأيام”.
وكانت من أبرز تعليقات الناس على صوت المنشد الشاب: “ما شاء الله، هو ده الترند اللى يخطف القلب ويدمع العين من فرحة وشجن الصوت”، “ما شاء الله صوته حلو جدااا”، “صوتك بشيل الهم عن القلب ماشاء الله تبارك الرحمن”، “ازاى الجمال ده مش فى إذاعه القرآن الكريم”.
