EN
“سرقنى فى بيتى وكنا هنموت بسببه”.. بهذه الجملة حذر المنشد الشاب الشهير والمؤثر عبر السوشيال ميديا، مصطفي أبو رواش من كارثة كادت أن تلحق به وعائلته وسكان عمارته بسبب “انعدام ضمير” فني تركيب أسانسير، فما التفاصيل؟.
قال مصطفي أبو رواش في مقطع الفيديو المتداول بكثرة عبر “فيسبوك”: “حسبي يا الله ونعم الوكيل فيك، حسبي يا الله ونعم الوكيل فيك، ربنا شاهد وسمعني وشاف اللي انت عملته، هوريكم دلوقت اللي عمله واحد استأمنه على مالي وبيتي وعلى روحي وروح اللي عايشين معايا، بسبب حاجة المفروض إنه عاملها علشان تسهل عليه حياتي، كنت هموت بسببه أنا والناس اللي عايشين معايا في المكان، عامل فيها ناصح واللي الوحيد اللي بيفهم رغم اني كنت بدي له ملاحظات وأنا مش فاهم أوي، فأنا بحذر الناس منه”.
أزمة مصطفي أبو رواش
وأوضح المنشد الشهير: "رغم إنه لما كنت قاعد معاه على القهوة كان بيقولي أهم حاجة عندي اتقاء الحرام، وإنه اراعي ربنا في شغلي، ورحت المحل واشتريت الأجهزة الجديدة بأيدي لتركيب الأسانسير، وبجبروته غيرهم بحاجات مستعملة، وبعد ما ركب المكنة وساب الجزء اللي فوقها مفتوح للسماء، وما كانش جه فصل الشتاء وقتها، فقالي بعد ما خلص هقفلها، الدنيا مطرت والمكنة ولعت، وفضلت الناس محبوسة في الأسانسير لحد ما جبنا حد تاني، طب نفرض حارس العمارة كان قرب منها وهي كده، فاكر".
حل عطل في أسانسير
وأضاف المؤثر عبر السوشيال ميديا: "بعد كدا ربنا أكرمني بواحد ابن حلال، محمد اللي قدامكم، فكها حتة حتة، فالحمد لله إنه ما فيش حد مات، وودا الفرق بين ده وبين عديم ضمير، راجع على حاجتك بنفسك بعد كده، واحذروا من عدماء الضمير".
