EN
لم يتردد أن يدخل وسط النار عندما سمع أصوات تستنجد من منزل جيرانه بينما هو جالس كالمعتاد إثر عودته من عمله في أحد أركان بيته بإحدي المناطق الشعبية في مصر، تاركا رسالة مؤثرة بعد بطولته في واقعة حريق.
بطولة شاب
انتشر مقطع فيديو لشاب عشريني بملابس مغطاة بآثار رماد يكشف فيها تفاصيل إنقاذ رجل عجوز وزوجته المسنة من حريق بأحد المنازل، قائلا: "وأنا قاعد في بيتي، سمعت ناس بتصوت في البيت اللي قدامنا على طول، فببص لاقيت حريقة قدامنا، البيت فيه راجل كبير وزوجته ست عجوزة".
وأوضح الشاب العشريني الذي لم يكشف عن اسمه أو منطقته: "عموما مش أي حد بيتعامل مع الحريق ويطلع ويطفي، النار مسكت في كل حاجة بالشقة والستاير وكله، وجبت طفاية علشان تطفي، شايفين منظر ايدي ووشي وعيني".
وأضاف البطل الذي أنقذ جيرانه المسنين: "دخلت وسط الحريقة وانقذت الراجل الكبير ومش هقولكم إني بطل ولا حاجة الموضوع دا بيتعمل لنيل الثواب وفقط، ولما المطافي جت في الآخر لحقت البيت لأنه كان حقيقي هيتدمر، أنا عامل الفيديو دا علشان كل اللي عنده خبرة في التعامل من الحرائق بحكم شغله أو مهارة اتعلمها مثلا أثناء فترة تجنيده ما يتاخرش في دا أو أي مهارة عموما".
أنقذت روحين
ووجه الشاب في رسالته: "بقول للناس لو تقدر تعمل أي حاجة أو تساعد بيها، وما تتاخرش في دا، لما دخلت وسط النار لاقيت الست مغمي عليها، قومت شيالها ومخرجها، في حين إنه كان فيه ناس واقفة تتفرج وتتصور".
واختتم الشاب العشريني: "فعلا ثوابك بيكون عند ربنا كبير لما تنقذ روح، والحمد لله إنه ربنا قدرني على إنقاذ روحين، بايدك حاجة اعملها وما تقعدش تصوت وتصور، لا انقذ الناس ممكن تموت فأعمل ليها حاجة، والحمد لله إنه جت على قد كدا وأنا مفصوت من نفسي إني عملت حاجة لله، وربنا يبعد عن بيت المسلمين الحرايق وتكون آخر حاجة وحشة اشوفها زي دي".
