تساءلت الإعلامية مفيدة شيحة، عن سبب تعاسة الجميلات في الحب؟، مضيفة انه من الطبيعي أن الجمال أقرب لتحقيق السعادة والرفاهية والثقة، إلا أن هناك بعض الأفكار الراسخة حول تعاسة النساء الجميلات خصوصاً في الحب.

نصائح للمقبلات على الزواج..مفيدة شيحة: مينفعش شريك حياتك مايكونش فيه الصفات دي

وأضافت مفيدة شيحة، مقدمة برنامج الستات، المذاع عبر قناة النهار وان، اليوم الإثنين: “يقال إن الست الجميلة أوي، بيكون الجمال نقمة عليها في بعض الأحيان، ومن الاتهامات اللي بتتوجه للجميلات، أنها سطحية وساذجة، ومش ذكية ولا مثقفة، والجميلة مملة، ومجرد شكل، روحها مش حلوة ولا دمها خفيف زي العادية”.

الفتاة الجميلة تتهم بأنها مغرورة

وتابعت مفيدة شيحة: “الفتاة الجميلة تتهم أيضا بأنها مغرورة، والجميلة بيبعد عنها الحب والرجل اللي بيحبها بيخاف منها، لأنها متطلبة متعالية مش هتقبل بيه.. استحقاقها عالي وتوقعاتها عالية.. فبيخافوا يجربوا حظهم معاها أصلا، ويقال أيضا عن الجميلة مدللة، ولا يعتمد عليها، وأنانية ومبتفكرش غير في نفسها”.