أكدت الإعلامية مفيدة شيحة، أن هناك ٢٥ صفة إذا توفرت في شخص قد يكون هو الشريك المثالي، مضيفة أنه من أهم هذه الصفات أن يحترم معتقداتك ومبادئك وقيمك، ويساعدك على النمو كشخصية مستقلة.

مفيدة شيحة: يجب إعادة النظر في الأمثال والحكم المصرية

وأضافت مفيدة شيحة، مقدمة برنامج الستات، المذاع عبر قناة النهار وان, مساء اليوم الثلاثاء, أن يثق بك و تثقي به، ويحب كل صفاتك حتى نقط ضعفك، وبيضحك، ومجرد وجودك معاه بيرضيه.. مش لازم تبذلي مجهود لإرضائه كل مرة، وقته معك أولوية.

وتابعت أن يكون عنده حياة خارج علاقته بيك، ويعبر عن سبب تقديره لك، وعنده استعداد يقدم تنازل عشانك، ويعامل اهلك كويس و باحترام حقيقي، وتقدري تحكي له اي حاجة بدون خوف. متضطريش تكدبي او تخبي، وقادر على الاعتراف بـ نواقصه و نقط ضعفه أمامك.

يثير اهتمامك و إعجابك دايما

وأكملت مفيدة شيحة، أن يثير اهتمامك واعجابك دايماً، ويشاركك رؤيته للمستقبل، وقادر على العطاء بدون توقع شيء في المقابل، ولا يحاول منافستك في اللي انتي ناجحة فيه، وقادر يكون معاكي ويستمتع بحبك و بوجودك، وتكون صفاته هي الصفات اللي بتعجبك في الشكل و الشخصية، وقادر على مواجهة مخاوفه، وبيحكي عن اللي بيزعجه و مبيخليش تراكمات تتفاقم جواه.