يعد الإعلامي عمرو أديب كلمة السر في قصة حسام حبيب وشيرين عبد الوهاب حيث شهد برنامجه “الحكاية” كافة التصريحات التي دارت بين الطرفين منذ البداية وحتى إعلان عودتهما سويا بشكل رسمي ونرصد في التقرير التالي أبرز ما قاله حسام حبيب وشيرين عبد الوهاب مع الإعلامي عمرو أديب.

شيرين عبد الوهاب

كانت البداية مع شيرين عبد الوهاب والتى خرجت عن صمتها لتتحدث عن أزمتها مع حسام حبيب مع عمرو أديب وكان ذلك في ديسمبر 2021، وبعد شهر من إعلان انفصالها رسميا، تحدثت قائلة : "اعذرني مش هقدر أتاجر بأموري الخاصة، على فكرة أنا لسه بحب حسام حبيب، أنا لسه بحبه"، ليرد الإعلامي عمرو أديب متفاجئا: "إيه؟ أدهشتيني".

وردت شيرين عبدالوهاب على سؤال الإعلامي عمرو أديب: "هل الحب بهدلة؟" لتجيب: "هو الحب بهدلة وخلاني أندلة".

من حطمت زوجتك إلى عاوز حفيد.. تناقضات والد حسام حبيب بعد عودة ابنه لـ شيرين عبد الوهاب

سد فمك|تعليق صادم من والد حسام حبيب بعد عودته إلى شيرين عبدالوهاب

مش هشهرها ومبحبش قلة الأدب.. خناقة مايان السيد وياسمين عز..ورأى إيناس الدغيدي

بعد الحديث عن زواجها من محمود عبد العزيز.. إيناس الدغيدي تجيب بصراحة

شيرين عبد الوهاب فى المستشفى

وكانت الأمور تبدو طبيعية فى هذه الفترة الى أن فجرت شيرين عبد الوهاب عديد من الكواليس والأزمات التى جرت بينها وبين حسام حبيب مع الإعلامية لميس الحديدى والذى كان سببا رئيسيا فى خروج حسام حبيب الى النور ليكشف كثيرا من التفاصيل الخاصة ويرد على جميع الاتهامات التى طالته وكانت هذه الفترة التى قضت فيها شيرين عبد الوهاب فترة علاجها بالمستشفى.

وزادت الأزمة سوءا عند ظهور شقيق شيرين عبد الوهاب بتحدث عن أزمتها مع حسام حبيب وسر تواجدها فى المستشفى وكان ذلك أيضا مع الإعلامي عمرو أديب : "أدخل شقيقته المستشفى كي تُعالج من تعاطي المخدرات، ولحمايتها من طليقها حسام حبيب". فيما قال ياسر قنطوش محامي شيرين إن كل ما يهمه هو مصلحة شيرين مضيفا أن المستشفى قدمت تقريرا يوضح أنها "مريضة ومحتاجة علاج".

رد حسام حبيب على كلام شيرين عبد الوهاب

وخرج حسام حبيب عن صمته مع الإعلامى عمرو أديب أيضا ليكشف التفاصيل قائلا : "الحديث الذي يتردد على استغلال لشيرين من أجل الحصول على أموالها.

وقال: “لما اتجوزت شيرين عبدالوهاب كان عندي فلوس أكتر منها وعمري ما خدت جنيه منها.. وكل اللي بيستفيدوا من وراء شيرين عبدالوهاب وعايشين على عرقها وشغلها، كانوا عايزين يتخلصوا مني لما منعت عنهم ده”.

واوضح حسام حبيب : “شيرين عبد الوهاب حاولت الانتحار في المستشفى، وكانت رافضة الأكل لمدة 3 أيام وعيطت أما شيرين حلقت شعرها وكنت في حالة ذهول وصدمة وشيرين بعد ما انفصلنا قالتلي عرفت قيمة كل اللي بتعمله معايا وهقف في ضهرك وأخليك أحسن من أي حد وكنا بنحب بعض أنا وشيرين ووالدتها وأخوها السبب في انفصلنا غصب عننا عن بعض”.

عودة حسام حبيب وشيرين عبد الوهاب مع عمرو أديب

وأخير أسدل الستار عمرو أديب على قصة حسام حبيب وشيرين عبد الوهاب بإعلان عودتهما رسميا وعقد قرانهما مجددا لتخرج شيرين عبد الوهاب فى أول تعليق لها بعد خروجها من المستشفى قائلة : “خبري السعيد أنه تم بمشيئة رب العالمين كتب كتابي على حسام حبيب إمبارح بالليل.. وعايزة أقول للناس أدعولي لأني مقدرش أعيش بدون دعواتكم ليا ورضاكم”.

وأضافت شيرين عبد الوهاب : “احنا تعرضنا لضغوطات، كان بيتقال أنا موجودة فين، وعنواني كل يوم الصبح بيكون موجود في أي مكان، احنا هننزل دلوقتي نروح أي مكان ناكل بقى، نديها، وناكل في أحسن أماكن في الدنيا، وننزل فول وطعمية وسط الناس، وننبسط، أحنا مستاهلش غير إني أعيش وسط الناس، وهو اللي اقنعني صراحة، إحنا كنا ناويين نعمل ده يوم السبت”.

وتابعت: "فجأة لقيته داخل عليا إمبارح، لقيته بيقولي بقولك إيه، احنا هنعمل كده دلوقتي، قولتله خلاص اللي تشوفه يا سي حسام، أنا عايز بشكر ياسر قنطوش والإعلامية نضال الأحمدية، لإني هي الصبح سمعنا إن باركت لنا وبعتتلنا ورد على البيت وكمان احتفظت بالسر لحد ما أنا أقوله، وهي كانت قد إيه معانا أم وست كبيرة، وهي مكانتش تعرف حاجة، ولما قعدت وسمعت اتبسطت، ودعت لنا.

ودعت لحسام، وقالت له إن هي زعلانة على اللي حصل، وسوء التفاهم، واللي يعرف حسام، مش عايزة أقول كلام، أن هي بتودينا وتجيبنا، هي لما بتزعل بتخلينا نصدق أن هو وحش، والله العظيم أنا زي أي بنت خارجة من بيت في مصر، متربية على عادات وتقاليد، بغلط آه، بس لما بحب بحب في العلن، وبحط جوزي على راسي، ولما بزعل كمان بقولكوا، سامحوني بعد كده أمور بيتي هتكون في البيت، وبشكر كل الناس".

كما تحدث حسام حبيب قائلا : “شيرين اللي اقنعتني بالعودة وهتاكلني علقة دلوقتي”.