EN 
أثار كل من الفنان حسام حبيب والفنانة شيرين عبد الوهاب حالة من الجدل الواسع خلال الساعات القليلة الماضية وخاصة بعد إعلان عودتهما رسميا وزواجهما مجددا، وهو الأمر الذى يعيد للأذهان كثيرا من الأحداث المتناقضة وخاصة علاقة والد حسام حبيب بابنه والذى شهدت حالة من التوتر الشديد في الأيام الماضية ولكن بعد عودته لشيرين عبد الوهاب وجه لهما التهنئة وتمنى أن ينجبا له حفيدا.
ونرصد في التقرير التالي أبرز التصريحات التى وجهها والد حسام حبيب لابنه قبل وبعد عودته الى شيرين عبد الوهاب.
والد حسام حبيب يوبخ ابنه
قال حسين حبيب والد حسام حبيب : “قولوا الحق ولو على أنفسكم، هو ينفع أخالف شرع ربنا بحجة إني أحمي أولادي البنات ليها الثلثين والأهل ليهم الثلث بعد عمر طويل وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل.. أنت كده مش بتحافظ على مال زوجتك أنت بتخالف شرع ربنا، والنتيجة أنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك ضيعت نفسك وضيعت البنت معاك”.
وأضاف والد حسام حبيب : “هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفيه ويقعد أربع سنين من غير شغل وراجع تاني تقفل عليه الحنفيه هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمه حق لوجه الله والدين النصيحة، أنت بتقول لما رجعت ليها العربيه واحد بيشتغل معاها أخد العربية اللي بـ 5 مليون وقالها هابقي اديكي بيها شغل، وواحد محاسب تعرفه قرييب شكالها حاله أعطت له 100الف دولار وخلع وأنها بتكتب شيكات للناس على بياض أنت كده بتدي مبرر لأهلها ليحجروا عليها وبتطلعها أنها سفيهه وعبيطة وأنا من معرفتي بها انها واعية وناصحة بتيجي تكحلها تعميها، اسأل أبوك يقولك تقول ايه”.
واوضح والد حسام حبيب : " “أنت بتقول لما رجعت ليها العربية، واحد بيشتغل معاها أخد العربية اللي بـ 5 مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وأنها بتكتب شيكات للناس على بياض.. أنت كده بتدي مبرر لأهلها ليحجروا عليها وبتطلعها أنها سفيهه وعبيطه وأنا من معرفتي بيها إنها واعية وناصحة، بتيجي تكحلها تعميها.. اسأل أبوك يقولك تقول ايه، أنت بتقول أنك عمرك ما أخدت منها فلوس وأهلها عايشين على قفاها وأنك ما بتشتغلش أربع سنين كنت عايش على قفا مين!”.
واختتم والد حسام حبيب كلامه : “هي قالت لي يا بابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، اخدت مني مليون جنيه عشان تشطب فيلتك وما تعيش في بيت مراتك وها اردهملك.. ومن ساعة ما اتطلقت، وأنا بصرف عليك ورايح تقول لعمرو أديب وتهاجمني لتاني مره أنك ماتعرفنيش من 14سنه.. ما بتعرفنيش إلا للمصلحة وعشان تاخد فلوس وما دخلتش بيتى سبع سنين، وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج وخليك راجل.. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا”.
تعليق والد حسام حبيب بعد عودتهما
وقال حسين حبيب: "عندما لا تعرف ظروف الآخرين.. سد فمك".
وكان حسين حبيب بارك أمس، الجمعة، لحسام حبيب وشيرين عبد الوهاب عبر صفحته على “فيسبوك” بعد عودتهما قائلا: "ببارك لحسام وشيرين وبدعيلهم يجيبولي حفيد صغير أفرح بيه".
